念念不忘 都冇迴響: 驚訝

中三果年咪選科嘅，我地學校唯獨有一班M1M2班，其他都係按英文名次分班。雖然我地成日一齊補數學所以數學成績幾好，但係我地都係打算入普通班，冇興趣入數班。

果一年我英文成績幾好，所以都好有信心會入到精英班，而你都考到二十幾所以都勢在必得。不過公布果日都係有D小緊張嘅畢竟分班，而公報果日果個時段，我地咁啱要一齊上補習班。

到左00分我扮去廁所，實際上地偷偷地去望個表。由1號望到12號，果然見到自己，但係一路望到30號都見你唔到，就覺得好出奇了。

望埋第二班英文班都係冇你，果陣都知道一定有差錯，你無可能英文會差帶跌出一二班，所以就去望下數學班：

「23號 遊爍嵐」



事實擺在眼前，我都冇得去唔相信。

果陣明明講好左一齊去讀英文班，點解你會選擇左數班？果陣我完全覺得自己比人呃左，完全接受唔到。

到我翻到個班房果陣見個阿sir放左個細break比D同學檢查分班結果，（所以我扮去廁所係多此一舉嘅），反正遊爍嵐一面震驚咁同我講佢入左數班，果陣我心諗自己揀嘅點解要扮驚訝，所以我都扮不知情咁話：

「你係咪講笑，冇揀到點會入咗去？」

「我都唔知道！」



我好想信你，但係我更加信個系統。有選就係有選，無選點會無啦啦入左？所以我都幾黑人問號，果陣其實真係好失望，因為覺得你呃左我，同埋因為冇左你嘅一班，肯定會好悶。