念念不忘 都冇迴響: 然後

話咁快又嚟到暑假，但係今個暑假冇左往年嘅雀躍。雖然我個英文總排名有30，但係小班教學之下，我知道我根本入唔到英文一班。而我最在意果個位，其實就係好大機會率冇得繼續同遊爍嵐同班。

如果冇記錯，果個七月我依然同遊爍嵐去左唔小地方，最深刻印象係有一日我地兩個約左去長州挽，但係果陣我啱啱病完一場，日日食粥，太耐冇食過嘢，搞到搭搭吓港鐵覺得好暈，好彩遊爍嵐拉左我喺尖沙咀落車立即食啲嘢，如果唔係就真係瑪麗醫院見。

但係好笑個係我地一路食緊碗救命飯，佢提起有一次我地出街又係夜晚佢太餓之後唔舒服講唔到野，我估佢係唔想我尷尬，或者想分下神，反正佢叫我keep住同佢講野。我果陣真係乜都講一餐，包括佢有時好鍾意系ig post d quote, post一半又唔post一半,搞到我要上網search d 關鍵字搵埋另一半。我估個世界可能得我咁無聊會做埋啲咁嘅嘢，所以都唔係太敢同佢講，但係冇嘢講之下又好自然咁講咗，諗起都覺得老尷。

趁住張迪士尼門票未過期我哋去多咗次迪士尼，最深刻有單野

一係佢發現左我長期都唔敢望住佢，其實係因為我怕醜，但係就比我兜到我從來都唔鍾意望住人對眼講嘢。



二係旁晚果陣我哋玩咗個講真話遊戲，喺限時之內佢可以問我任何野我都要如實作答，本來以為佢會問到D入肉嘅問題，但最後我回想都覺得輕鬆，不過有趣。

反正暑假都係輕輕鬆鬆咁過，但係我心裡面知道一公佈分班結果，一切嘅安穩只係殘像，我地畢竟同班左4年都係時候要分開。每次我都說服自己唔好唔開心，不過又點會真係咁易釋懷呢。