現實畢竟都係逃不掉嘅。我記得當年我表姐第一屆DSE,放榜前佢地搵多個方法入自己啲資料入中大個網,就可以知自己入唔入到中大。我哋個中學網都係一樣,喺公布班別之前嗰幾日,嘗試入自己資料就可以知自己下年嘅班主任係邊個,換言而知,等同知道自己入咗邊班。

雖然一早估到個結果,但係見到果陣都依然係失落嘅。偏偏果日我又約左你同另一個人出街,我都唯有應邀了。其實我估果日我應該係全程黑面,我記得我冇乜點講嘢。果種情況就好似首《13樓的大笨象》所講,大家心中都有一匹象,只不過冇人夠膽聲張。再一次,最無奈係點解作為朋友,明明已經見到妳個朋友已經傷心到一個點,一句慰問都吝嗇,真係好咩?

反正果日之後我特等扮有直通車唔同佢哋一齊走,佢地都冇主動同我講D乜嘢,咁我都無話可說了。
已有 0 人追稿