念念不忘 都冇迴響: 校規

我同校規嘅淵源，值得開一章嚟講。

～本章與遊爍嵐無關～

曠課年中就真係唔少嘅，已經習慣自己打電話返學請假，仲要扮係自己阿媽：

「喂你好！我個女阿邱宇徽佢今日嘔啊！」

「班別學號？等我睇吓佢本手冊先！嗯... 五D 14號！」



「知道啦知道啦，我會幫佢寫返病假紙！唔該唔該！」

講番先，其實我請病假大多數都係唔夠時間溫放學D測驗，所以通常我係真係會去圖書館自修室溫到溫完先返學的。

當然都有撞過版啦，試過放學返到學校先至見到佢地改堂上考左試 :)

//

曾經試過個老師一入課室比佢聽到我講緊shit，你都知啦講操口要比人記缺點。我立即解釋我係講緊worksheet la，實際上其實我局句子有shit同worksheet,我唔清楚佢係邊個位入嚟班房。



我同個老師講，就算我真係有講粗口你都捉我唔到。個老師以為我係承認緊我有個粗口，諗住直接記我過。

但係偏偏我班同學又好鬼團結，事實上啲同學望到個老師入嚟果下我係真係講緊Worksheet, 句shit係個句子嘅開頭，所以你路上佢係唔應該罰到我。我啲同學竟然逐個走去做印證去證明我真係講緊worksheet，最後見咗幾次校長同訓導主任佢哋都奈我唔何，我脫果罪嗰陣開心到請咗全班飲朱奶。

不過都因為呢件事，家長日嗰日我要見校長，我唔係好記得個原因，大概好似就係學校想同我屋企人解釋清楚發生咗咩事，同埋希望佢哋管教下我咁囉～

//

最驚險果次係有一次我參加咗個參觀活動要去科大，大佬嗰度山長水源，我起身嗰陣已經miss咗第一個講座。我好清楚如果我證明唔到我有去我肯定俾人當曠課，所以我就去咗第二場講座之後影咗幅相send比個老師先，之後我咪得第二場講座張cert嘅，我又要hold到學期尾先話佢哋冇寄俾我定係最近執CV啲證書好多都搵唔到。好彩最尾俾我逃過一劫，但係呢單嘢對我嚟講好經典，我成日都好驚佢哋會走去科大個網搵返嗰日活動啲相。



//

講咗咁多陰濕嘢講返單正義嘢先。

中三嗰陣中文科有個閱讀評估，嗰陣隔離班考先好多同學都去咗問佢哋攞試題。果陣我仲同緊遊爍嵐坐，佢又好專心咁掛住溫習冇特別去到問人攞試題，所以我都陪佢冇特別去攞。

點會知唔知邊個風紀報串，搞到全部有份問人攞試題嘅人俾人記晒缺點，仲要測驗零分。嗰陣其實我真係好多謝又爍嵐，比着本來嘅我肯定會忍唔住去咗問人攞試題，我到而家都未理解到點解其實佢唔去溫，明明佢咁關心啲分。我諗可能就係因為佢做人有Ｄ底線，作弊呢啲嘢佢係唔會做掛。