念念不忘 都冇迴響: 中六 二

～本章與游爍懶無關～

中六最值得寫嘅，其實都真係讀書了。咁讀書以外，其實一班人臨別之際，都有發生其他搞笑耶嘅：

聖誕聯歡會我買左隻超長個晾衫棍比人，結果自己抽到隻星球大戰激光棒；班會旅行果陣班會要設計D奇怪遊戲真係伏島一個點，我個好朋友挽遊戲輸咗俾我喺佢塊面寫咗一個大大嘅「醜」真係一路寫都一路狂笑；上堂無聊同D老師吹水，我地一度懷疑我地個外籍英文老師其實聽得明廣東話之後引起全班恐慌... ...

反正快樂嘅時光係過得特別快嘅，亦因為有好多美好回憶歌中和，先淡化到DSE帶比我地嘅痛苦。

擔心就一定有嘅，果陣時我覺得人嘅一生有兩次會比人問志願，一次就係你細細個片作文(果陣我話想做太空人:)) 第二次就已經係妳大學準備揀科，一切都突然如此真實，彷彿一切都終究準備好塵埃落定，特別係妳有志讀專科，就更加一去無回頭。



果陣我同我個同桌，(個額頭俾我寫咗個醜嗰個)，真係擔心到日日都不斷計自己DSE可能有幾多分，日日都杞人憂天，得閒又要搵個班主任傾吓計... ...

後來我成日都覺得，DSE果陣你唯一嘅敵人係考評局，但係你身邊有無限嘅家人，老師同朋友支持你；但係畢業厚你面對四方八面個困難，果陣卻得飯你一個。全件事好矛盾，卻係一個事實。所以最重要都係珍惜為你好嘅人，咁樣都好足夠了。