對比DSE放榜,Jupas放榜其實係冷清好多,因為只係你對住部電腦,夠鐘就咁落去睇吓自己有冇Offer。Jupas放榜嗰晚我係完全瞓得着,其實我覺得都冇乜嘢好擔心。去到夠鐘嗰陣我準時㩒入個網,一切只係理所當然,但係我都開心到嗌咗出嚟,立即叫我阿媽俾錢留住個學位。

之後我就Whatsapp下我唔同朋友,睇吓佢哋入咗邊間大學。遊爍嵐真係入左佢想入嗰科個board-based, 所以佢係有少少唔開心,但係其實佢都估到。所以我都同佢講,第二年你就可以揀返自己個Major,我加埋我研究過佢哋間大學,第二年可以入到自己選擇個Major我機會率都咁苦100%,所以都冇嘢值得擔心。

是的好似冇講過,我同遊爍嵐係揀咗兩間唔同嘅大學嘅。一方面我鍾情於我揀嗰間大學啦,二方面係其實我有心避開遊爍嵐,因為我唔想鍾意佢成世,如果我哋繼續喺同一個圈子,我怕我只會越嚟越難抽身。雖然後來我發現,其實讀邊間大學唔係好影響你對一個人嘅感覺,但係當時我的確有因為呢個原因所以專登揀咗我而家讀緊嗰間大學。

而遊爍嵐讀緊嗰間大學先有開佢想讀嗰科,所以其實我一直都知遊爍嵐一定會入C大,都冇乜嘢值得好驚訝了。

結論就係如遊爍嵐係我將畢業紀念冊上所寫:



「我哋都會入到我哋想入嘅大學,容光煥發,神采飛揚。」
已有 0 人追稿