話咁快就到左到左大學嘅迎新季節,我地要去各自大學嘅Reg day, 好多手續嘢要搞。我記得最令我感受到我地畢竟唔再係同學有幾個位,例如當你問我揀邊個書院,全港得C大行書院制,不過我都稍有認識所以答到佢。另外有一日我地同時要翻大學,我哋一個喺港島一個喺新界,嗰陣我都明確感受到,我哋真係讀大學,唔再同校了。

反正好快我就要去faculty O camp 同 hallO啦,而遊爍嵐都報左faculty同書院個O camp。

完晒啲O camp之後我地一齊食飯,分享翻到底自己經歷左乜嘢。我果陣第一次感受到仙制所以都同佢分享左好多荒謬耶,佢都同我分享下C大 O camp 遇到咩人,發生咩事。

但係跳一跳先,後來去到Year2佢先同我講,原來佢系Ocamp 因為某D原因比人誤會左。佢隔左成年先同我講,雖然佢講果陣係講解緊佢果個學期啲分組點解麻煩,但係我都會覺得佢可以有咩都同我講,後來我都用咗好多時間同佢講呢樣野,不過呢個係後話。

講番果年八月先,反正我覺得我地都幾順利咁融入左新嘅大學文化。我對大學生活嗰陣係充滿憧憬,認識咗好多新嘅人,感受到自由,達成左我嘅夢想。



唔記得聽邊個分享曾經講過:

「其實DSE放榜果下,係你人生嘅高峰。但係高峰過後就會開始跌,大學生涯,就係一段不斷向下畫嘅過程。」

初入大學嘅我冇意識到,面前有啲咩狂風暴雨等着我,而呢啲經歷造就左今日嘅我,一個比較現實,都仲有啲迷惘嘅我。
已有 0 人追稿