「唔⋯好呀~」我笑一笑講道,伸手推埋locker門將門閂上,「要唔要我等埋你一齊走?」

「好呀。」岑諾新見我笑,佢嘅嘴角都微微上揚起嚟

「大佬,一齊去小食部買嘢食啦!」楊朗然行過嚟,一下子搭住岑諾新嘅膊頭

我見到後笑一笑,攬住書就起身打算行留埋位

「蔣倩盈⋯!」岑諾新將我叫住,我回頭望向佢



「嗯?」我微微側側頭

「陣間一齊食Lunch。」岑諾新對我講道

X⋯X⋯X

「嗯,好呀~」蔣倩盈對我微微一笑,然後轉身行番埋位

望住掛喺蔣倩盈臉上嘅笑容,我心裏鬆一口氣,我同孫慧伶同組嘅事,冇影響到我同對蔣倩盈之間嘅感情



喺小息過後係Physics堂,今堂喺lab阿sir叫我地跟番自己嗰組坐,孫慧伶坐低喺我隔離,對面坐另外兩個男仔

孫慧伶將阿sir講緊注意事項同計分位都寫低喺我地組份WS嘅背面

阿sir講完之後將時間留比我地自己做嘢自己討論,成組嘅組員都係阿sir安排,大家唔係唔識,只係唔同班唔熟,所以大家講嘅嘢嚟嚟去去都係功課翊嘅嘢,都唔會傾啲咩計

「我做Part A啦~你地做邊Part?」坐我對面嘅男同學問道

「我做C。」我回答道,然後喺Part C寫咗自己個名後將WS推比孫慧伶



「呃⋯你做邊part?」孫慧伶先問坐佢對面嘅男仔

「你揀先,我做剩低嗰Part。」坐佢對面嘅男仔講道

「咁我做D。」孫慧伶微微點頭後講道,然後寫下自己嘅名

我同孫慧伶要等A、B part先做好,我地先可以再做到我地負責嗰part

今堂我同孫慧伶咩都冇做,就係幫佢地手做A、B part;我同孫慧伶企喺一旁等佢地做好A、B part

「你有冇同佢講?」孫慧伶忽然間望住我細聲咁問

「講咩?」我望咗佢一眼

「我地一組呀~」孫慧伶若無其事地笑一笑,「你冇同蔣倩盈講咩?」



「有。」我淡然地講道,雙眼默默地注視着另外兩個group mate做嘅嘢

「哦~」孫慧伶先輕鬆地講道,然後我聽到佢細聲地道:「難怪⋯」

我望向孫慧伶,孫慧伶見我望向佢,佢頓時笑着搖頭

「冇事~」孫慧伶對我笑着講道

我輕輕地皺起眉頭,覺得佢一定係有啲咩想講但唔講得比我知,不過我冇追問嘅動力,或者佢想講嘅嘢,都唔關我事

孫慧伶悄悄地瞄咗我一眼,兩手放喺身前,微微耷低頭

「係呢,你上個星期五有冇同蔣倩盈一齊呀?」孫慧伶問道



「冇。」我回答道,「做咩?」

「冇⋯」孫慧伶擠出笑容,緩緩搖頭,「嗰日阿彥都同我講話月亮好靚,佢喺海傍望到~send咗張相比我呀~」

孫慧伶一臉興奮地講道,然後偷偷拎出手機,用自己嘅書擋住,開咗佢同張景彥嘅WhatsApp對話出嚟,將嗰張相比我睇

「嗰日蔣倩盈都喺海傍,我仲想問你有冇都睇到添~」孫慧伶抬頭望住我笑盈盈地講道,「睇下~嗰日個月亮好清好靚!」

「嗯⋯」我望住孫慧伶手機中嘅嗰張相,但心裏卻諗起星期五嗰晚蔣倩盈po喺story嘅相,同孫慧伶手機入呢張好似⋯

嗰晚佢都喺海傍,佢有冇見到張景彥⋯?佢會唔會係同張景彥撞到,然後一齊行海傍⋯?

「新⋯?」孫慧伶叫咗我一聲,我頓時回過神來,「做咩呆咗?」

「冇事⋯」我回答道,心裏莫名其妙地有啲不滿嘅感覺





Lunchtime

我同蔣倩盈去到附近一間餐廳食飯,落完單之後我同佢都各自睇手機

「嗰日阿彥都同我講話月亮好靚,佢喺海傍望到~send咗張相比我呀~」

「嗰日蔣倩盈都喺海傍,佢有po story~我仲想問你有冇都睇到添~」

我諗起孫慧伶喺Physics堂同我講嘅嘢,我心裏唔多唔少有啲在意






IG Link: https://www.instagram.com/nd_cotttoncandy/?hl=zh-t