因為我個仆街老豆 我被下了一個賓周會變短的詛咒: 41. 畢業旅行 (二)

島上主要的娛樂其實就是陽光與海灘，幾天的渡假就是不斷的浮潛、曬太陽、食飯、做愛做的事和睡覺。三天的寫意假期很快便完結，當他們回到吉隆坡，周紫盈便Join回她的女同學群組，而李乘風則回香港再預備明天和他的豬朋狗友到泰國去另一個畢業旅行。
 
故事發展至今，可能都有不少人會留意到男主角李乘風好像就只有女性同學，其他男性同學的名字都從沒有出現過。沒錯，這確實是由於作者的懶惰所至，不過最主要的原因還是因為他們的存在對劇情推進並沒甚麼影響，所以存在感直接變成了零。但正如故事一開始所講，李乘風的人緣一向極好，所以怎可能沒有男性死黨? 這一章會讓他們亮亮相，也讓大家能認識李乘風和他的朋友更多。
 
這次的男團有五個人，包括李乘風、肥仔，Johnny、小強和郭靖。你沒看錯，最後一位就是郭靖。當然這不是他真正的名字，而是因為他的真人就如同郭靖一樣，擁有一身好武功但卻純良戇直得過份。這四人都是李乘風的老朋友，基本上都是從小一起玩的波友加機友。
 
泰國的主要活動都是食和玩，一班男人去旅行更是講求效率實事求事，所以中間去了那些名勝景點或是水上活動都是老生常談便不在此詳述直接skip過吧。這晚玩了一整天後他們在一間酒店吃完buffet休息了一會後便決定找一間bar飲酒見識，不過對於一班從沒夜蒲經驗的純情中學生，去飲酒便真的只是去飲酒。在觀望了酒吧場景一會後，他們也就只是開始飲著啤酒傾下偈，不要期望會有任何豔遇發生。
 
 
「睇下我11點鍾方向嗰個女仔，掂唔掂?」肥仔色謎謎地打量著位處自己11點鐘位置一位穿著吊帶長裙的泰國妹。


 
「掂喎! 不過唔知會唔會係人妖呢?」小強在欣賞的同時又提出了疑慮。
 
說完大家再望了一望，都搖搖頭覺得不像，但在泰國，又有誰敢肯定?
 
「我覺得9成9都係人妖... 不過其實都唔係好靚啫...」再望了兩望，李乘風搖著頭帶點不屑說。
 
「屌你，對你嚟講梗係啦! 食咗我地學校嘅女神，同我地哩班仲係A0 嘅standard梗係唔同啦!」肥仔帶著強烈的酸意。
 
「真係食咗? 李乘風!人少少你老實話我地聽... 你係咪真係已經食咗周紫盈?」小強一副不敢亦不想想像的樣子。


 
「妖，唔好講哩啲啦，背後講人仲要係大家都識嘅人唔係幾好...」李乘風想保護周紫盈。
 
「仲話friend，咩都唔講我地聽!嚟緊我都入中大㗎，你唔話我聽我就自己問佢! 同埋到時咪晒旨意我幫你睇住佢呀!」肥仔提出了自己的威脅。
 
李乘風正想回應，這時一直一臉高深莫測的Johnny突然開聲
 
「要李乘風講嘢有幾難呢? 玩個遊戲就得啦。我聽我表哥講，落bar一定要玩個遊戲叫True or Dare。」
 
小強:「我好似聽過喎，係點玩㗎?」


 
「好簡單，首先...」Johnny 從冰桶拿了一支啤酒遞給李乘風然後續說「你飲晒佢先...」
 
李乘風沒有伸手接只是問道「點解係我飲?」
 
「因為要醉醉地先好玩，而你係在座入面唯一的人生勝利者。」Johnny坦然地說。
 
不知兩者有甚麼關係，但聽落眾人又覺得有點道理，最終受不了另外四人的壓力，李乘風還是被逼清了支啤酒。
 
Johnny接過空樽然後便把它放在枱上一轉，正中李乘風。
 
「遊戲規則其實好簡單，個樽指住邊個，嗰個人就要揀Ture or Dare，揀True就要比人問問題然後一定要講真話，揀Dare就要比人指派做一件事無得say no。你揀咩呀?」Johnny接著說道。
 
李乘風:「一開始，試下true先囉~」
 


Johnny:「既然係一開始熱身，我就問條簡單啲嘅問題先啦... 有無打過飛機呀?」
 
「有...」李乘風呆了一呆然後答。
 
「Wooo~ 如果啲女仔知道佢地男神有打飛機唔知會點諗呢?」不知為甚麼肥仔一聽見李乘風有甚麼不良嗜好都會特別興奮，或者真的是出於對完美的妒忌吧。
 
「可能自動請纓話要親手幫佢解決呢~」小強笑吟吟答道。
 
「為咗增加趣味，答完可以比人再問條follow up問題啦。」Johnny為這遊戲加了新規則。
 
小強:「咁我問follow up~ 第一次係幾時?」
 
「中三...好，到我轉...」說完李乘風不讓他們回應立即一轉轉到肥仔。
 
李乘風:「你鍾意邊個呢就係人都知㗎喇... 有無諗過佢打飛機呀?」


 
「梗係有啦!」肥仔亳不掩飾大聲地答。
 
李乘風:「幾密一次?」
 
「每一晚!」肥仔繼續一臉自豪地說。。
 
「Woooooo~」眾人一齊起哄淫笑著。
 
到肥仔轉轉中了Johnny
 
肥仔:「咦，高手喎~ 你成日一副高深莫測咁嘅樣，其實大家都想知你拍過幾多次拖?」
 
「三次。」Johnny繼續無表情地答。
 


「三次咁多? 咁...仲係咪處?」肥仔驚訝之餘又緊接follow up。
 
「唔係。」Johnny繼續很平靜地答道。
 
「咁...第一次係比邊個?」繼續驚訝肥仔得勢不饒人。
 
Johnny:「想再問等下次啦~」
 
於是這幾個人就不停轉樽和問問題，隨著大家越飲越多氣氛越來越高漲，問的問題亦變得越來越尖銳。不過酒樽暫時在指了一次李乘風和Johnny後便一直都再沒有指向過他們。
 
又過了幾round，酒樽指著一直都沒有出過聲的郭靖。
 
小強:「郭靖! 見到你反而唔知問咩好添... 嗯...一直忽略咗，其實你有無鍾意嘅人?」
 
「我轉dare得唔得?」郭靖有點膽怯地問。


 
「咁你去錫11點嗰個女仔塊面一下呀。」一直都沉默寡言的郭靖平時甚少提及自己的感情事所以慣性被忽略，這次他的抗拒回答卻讓大家反而來了興趣，於是小強故意提出了一個刁難郭靖的dare。
 
郭靖:「咁我答囉...」然後他望了一望李乘風後再說
 
「我鍾意欣欣...」
 
「下?」李乘風有點反應不過來。由於李乘風屋企不會有家長，所以他們不時都會上李乘風家裏打機，亦因而間中會和欣欣一起玩耍。
 
「對唔住呀乘風... 不過我係單戀咋，無諗過要追佢㗎...」郭靖有點不好意思，又害怕李乘風會生氣所以立即解釋。
 
「咁又唔駛道歉...我係無諗過啫~鍾意點解唔努力試下?」李乘風好奇問道。
 
「我哩啲咁嘅男仔，邊襯得起欣欣呀... 而且佢咁活潑我咁悶，點都唔會夾，無謂攪到朋友都無得做啦...」郭靖自卑地說。
 
李乘風也立即嘗試幻想二人的可能性，不過他都覺得郭靖雖然人品很乖很純，但二人若果真的在一起應該會悶死欣欣，他肯定郭靖絕不會是欣欣杯茶。
 
「咁有啲嘢唔試過又未必知嘅...」不過作為朋友他還是鼓勵了郭靖一下。
 
小強:「估唔到知道咗個咁大嘅秘密! 哩個遊戲真係幾好玩~ 郭靖快啲轉啦，一定要轉到李乘風!」
 
果然郭靖一轉便轉到李乘風，所有人立刻叫郭靖問李乘風關於周紫盈的秘密，不過郭靖卻堅持問了另一個問題。
 
「你其實有無少少鐘意欣欣?」
 
李乘風呆了一呆，然後笑著答:
 
「我點只少少鍾意欣欣呀，我直程愛佢添啦，佢係我最重要嘅人之一...」
 
聽完後到郭靖呆了一呆
 
「不過係對妹妹嗰種愛~ 放心啦，喺我心目中佢真係我屋企人嚟㗎咋~」見郭靖呆滯的樣子李乘風亦不再耍他解釋道。
 
郭靖果然立即露出一個會心微笑。
 
又不知過多少round，終於讓肥仔再次轉中李乘風。
 
「Yeah! 終於有得問喇~ 再轉唔到你我唔知仲頂到幾耐... 快啲答，你係咪已經攞咗我地女神個處!」他立即興奮地問。
 
「係...」逼於無奈李乘風只好如實作答。
 
得到証實肥仔和小強立即掩著心口露出一副痛心的樣子然後伏在枱上痛哭，甚至失去了再問detail的意欲。
 
「follow up，除咗周紫盈你有無試過有第二個女朋友?」就在以為今天終於可以散場的時候，Johnny突然問了個follow up。
 
本來大家都覺得沒有，所以也沒甚麼反應，誰知李乘風突然回了一句
 
「有....」
 
這個答案立即引來全枱起哄，亦讓這個遊戲被逼延續下去直到下一次李乘風被轉中，而被問的問題自然是那個女仔到底是誰。
 
「我揀dare...」李乘風別無選擇。
 
「Dare咁你要搵個男人錫佢一啖...」為了滿足好奇心，Johnny出了一個比剛剛小強那個更毒辣的dare。
 
李乘風猶豫了一會，然後走到肥仔面前，輕輕錫了他一啖...
 
「妖!」肥仔從震驚中回復過來一掌打落李乘風手臂然後立即衝入廁所瘋狂洗面。
 
這一天，另外四人都很好奇到底是誰讓李乘風寧願要錫男人都不肯說出她的名字，不過亦明白李乘風要守護這秘密的決心所以也再沒有逼他，始終他們都有他們作為朋友的底線。
 
 
若大家真的想聽豔遇，其實勉強也算有一個。
 
當五人帶著醉意離開了酒吧，一個外國鬼妹經過李乘風身旁時突然偷襲了小風一下，留下了一個驚嚇表情和一句 “So big!” 後便飄然而過，剩下一臉尷尬的李乘風和他身邊哄堂大笑的四人。看來主角的魅力已經可以擴展到不分國藉和年紀。
 
 
隨著開心的旅行結束，暑假的流逝，李乘風亦終於開展了他的大學生活。這刻，他從沒有想過這大學生涯會讓他產生了翻天覆地的變化，甚至是完全變成了另一個人。