因為我個仆街老豆 我被下了一個賓周會變短的詛咒: 58. 突如其來的4cm

李乘風回到hall後，發現Kenny正在等著他。
 
「講聲你聽，我同咗Vanessa講分手喇。」
 
「咁快?」李乘風以為他們至少會有兩三星期時間。
 
「本身都諗住可以同佢玩耐少少，但係佢一副女朋友咁嘅樣哩樣要管嗰樣要管，真係頂佢唔順…所以都係大家開心過就算啦…」Kenny帶點無奈的樣子。
 
「但對方肯定唔係咁諗…」李乘風為Vanessa惋惜亦有點內疚。
 


「總知你有機會就睇住佢啦… 不過我估佢稍為清醒後應該會估到發生咗咩事然後嬲埋你…」Kenny為此事作出最後交代。
 
「嗯…行得哩條路就預咗㗎啦…」到李乘風開始無奈。
 
「Connie有無再搵你?」Kenny又問。
 
「無…」
 
這晚，李乘風發現小風好像收斂了少許，長度感覺稍為短了點，不過他並沒太在意，以為可能只是自己狀態不佳。但沒想到過了兩日後，小風突然再度縮水，感覺兩次總和共縮短了約4cm已經回復到中學和Miss Lui分手前的長度。
 


雖然不至於算是短少，但絕對是由神級變回凡人，試問曾自信是世界第一的李乘風怎可能接受得了? 這時，他才突然想起母親臨過身前的說話。
 
(唔通個詛咒係真? 但我傷害咗邊個? 時間上睇最有可能係Jolina…  咁仲有一個係邊個? Connie? 都無一齊過應該唔算吧?)
 
李乘風沒有想過自己真的會在Jolina心中留下了那麼大的創傷，還反害自身，但同時間他亦想不通除了Jolina還有誰被他造成了傷害。
 
(咪住! 傷害人會變短，但之前我好似試過突然變長過兩次，而且時間上都係比Miss Lui同紫盈背叛我之後，嗰陣我仲以為係咁啱正常生長添… 唔通傷害人會變短，被傷害就會變長? 咁我又好似未必駛太驚住喎…  必要時比人傷害變返長咪得囉?)
 
就在他獨自思考和苦惱中的時候，電話突然一震，竟然是Connie的message。
 


「你嗰晚講嘅嘢仲算唔算數㗎? 你會唔會對我負責任?」
 
(佢竟然無嬲我反而仲想我負責任?) 李乘風沒有想過Connie會是這反應。
 
他把message給了Kenny看。
 
「點睇?」
 
「睇你想做大仆街定細仆街啦。」看完Kenny淡淡回應。
 
「有咩分別?」
 
「你拒絕，即係中出即飛嘅大仆街，你應承，就唔係中出即飛，不過你依家咁嘅款又唔係真係對人有感情，其實佢遲早都會接受唔到同你分手，咁咪係細仆街囉... 」
 
「車，話唔定一齊咗後係佢變先呢，到時可能我先係受害者…」李乘風反駁。


 
(咦… 受害者? 咁咪會可以變返長?) 反駁完後李乘風突然靈機一觸。
 
始終現在在他心目中，沒有愛情是不變的，時間久了對方就會變心然後拋棄自己，這是經歷完兩次傷心經歷後完全入了他腦的mind set。
 
世事就是這樣諷刺，明明之前一直是不再希望自己受到傷害，但現在卻竟要千方百計想自己得到傷害…不過這亦讓李乘風有了答案。
 
「當然係真! 只要你願意，我好想負責任! 哩幾日我都好掛住你好擔心你… 但又驚你仲嬲緊我所以唔敢搵你…」李乘風開始發揮他的溝女本色回覆Connie。
 
「咁今晚一齊Dinner?」Connie問。
 
「好~」
 
 
這一晚，在時代廣場的大堂裏


 
「唔好意思呀，等咗好耐?」Connie從後拍了拍李乘風的膊頭說道。
 
「唔係呀，等女朋友，天經地義㗎啦~」李乘風露出了他的招牌笑容。
 
「口花花啦你~」Connie亦笑笑口回應然後主動拖著李乘風的手進入商場。
 
不知是不是因為二人已發生了最親密的關係，這刻望著Connie，李乘風覺得她給他的感覺不同了，除了臉上多了一種從前沒有的媚意和成熟美，同時間他亦感覺到她心底入面好像隱藏了一些沒人知道的情感。
 
「哩幾日見你無搵我，我以為你仲嬲緊我…」李乘風主動提起。
 
「嬲又講唔上…其實返到去我都慢慢記返起嗰晚發生嘅事，某程度上仲係我逼你添，所以嬲你唔落啦，不過我係要啲時間消化啫... 之後我都諗通咗，既然陰差陽錯下發生咗哩件事，對方又係你一個咁好嘅男仔又咁啱鍾意咗我，點解唔比個機會大家試下? 我就要睇下你會唔會一開始就呃我~」說到最後Connie露出一個甜甜的笑容。
 
「呃你?」李乘風不明白。
 


「你話立即搵過第二個男朋友就唔會咁痛同埋唔會心軟嘛~ 如果無用比我知我地未開始一齊嗰陣你已經呃我你就知死!」Connie笑笑口說笑道。
 
(如果比你知道我真實係呃咗你啲咩， 我估你直程會殺咗我添呀…)李乘風暗地裏在想，不過嘴上當然不會這樣說。
 
「原來係想借我過橋!」他嘴裏說道。
 
「辦法係你教我嘅，便宜又比你拎咗，唔搵你負返哩個責任搵邊個? 不過你真係介意都可以話我聽嘅…」Connie彷佛真的完全像無事般說著。
 
「唔介意~仲好榮幸添! 放心，我唔會比你再痛亦唔會比機會你心軟㗎!」李乘風加大了力度握著Connie的手。
 
「咁以後就多多指教喇，男朋友仔~」Connie同樣用力握回李乘風的手說。
 
「多多指教喇，女朋友仔~」
 
「我地影返張合照post上facebook順便改埋relationship好無?」Connie突然又提議。


 
「咁快?」作為player李乘風心裏當然不太願意。
 
「你唔想?」Connie神色一變。
 
「唔係…~ 即刻影!」李乘風只好接受。
 
“咔嚓”
 
二人的合照Post上了各自的Facebook，status亦update成 ”Connie Wong is in a relationship with Lee Shing Fung”。
 
“既然緣份來到，何不大方接受?”
 
Connie Facebook上的這條信息自然引來無數迴響和祝福， 於是乎，在沒人能猜想得到的情況下，李乘風又有了女朋友。
 
不過李乘風其實在和周紫盈分手後便以忘記過去為由開了一個新的FB account，只add了大學認識的朋友。至於這是不是唯一一個新account，舊的account又是不是真的沒有在用，那就只有他本人自己才知道。
 
第二天，二人自然被其他同學逼問到底發生了甚麼事。Felix和Colin直覺覺得事情沒那樣簡單，不過大家都是好同學，他們又信得過李乘風的人品，所以亦沒說甚麼大方祝福他們亦替他們高興，只有Vanessa從頭到尾沒出過一句聲亦沒給任何好面色李乘風看。既然對方沒主動劃破肚皮，李乘風自然也不會主動說甚麼去自討沒趣。