《喺Ocamp入面，我竟然同時成為兩個女神嘅獵物》: 面｜side

（…）
 
對了，我到底想怎樣。
 
算吧，不想了，想多了也不會解決到問題，加上此刻的我只有一個目標，啊禧。慶功宴上，營長啊禧早已是眾人默認的首要攻擊目標，大家似乎都想將新仇舊恨通通在這晚發洩出來。所以在還未上菜之前，他已喝了不下半打啤酒，然後就直接倒下，這對我而言是便宜了他。
 
「唔...」當大家都快將完成桌上的食物時，我身旁的啊宜看似也差不多。
 
差不多要醉。
 


「喂啊宜，你重差一杯喎！」是黃組的組爸啊華。
 
「吓...」啊宜似乎仍徘徊在醉與非醉之間。
 
「我口乾啊！我幫佢飲！」說罷我拿起她的杯子一飲而盡。
 
「好Man啊！」
 
「啊謙做咩咁錫住人喎！唔通你地！」
 


「在一起！在一起！」
 
流言瞬間四起，每一個群組內總有某幾個這樣的人。
 
「啊謙都係見啊宜醉先幫佢頂酒姐，你班撚樣見到人醉到咁，重要灌人飲，有冇人性㗎！」這時啊衡為我護航。
 
「係囉，想飲嘅就跟我地去下場！」家欣亦加入戰團，將他們引走。
 
「啊宜唔得㗎喇，你送完佢翻屋企再過嚟？」然後啊衡低聲跟我說。
 


「好，你到時send個地點比我。」我說。
 
「你預係hall先。」啊衡說。
 
然後我就扶著啊宜到街邊，然後上的士。啊宜住在學校旁的西寶城，剛上車她已睡在我的肩膀上。
 
「喂，醒喇！」我拍醒啊宜。
 
「唔…到喇？」啊宜看似酒醒了不少。
 
「係啊，你邊座？」我說。
 
「唔翻去住，我想行陣先。」啊宜說。
 
然後我們在街上漫步，一路上都沒有說話。最後我們回到校園，找到個僻靜的地方坐下。我知道你們在想什麼，但我和啊宜不是那種關係，我們只是朋友。


 
「而幾日真係辛苦哂你！」我說。
 
「傻喇，冇你而個爸組係到我都帶唔到佢地氣氛。」啊宜笑說。
 
「冇喇，都係得佢地兩個係到講。」我想起她們。
 
「係呢，其實你諗好未？」這時，啊宜直視著我說。
 
我沒想到原來在旁人眼中，我們仨是如此猖狂明顯。
 
「我Feel到姐。」啊宜像是看穿了我的想法。
 
我在想。
 


「如果比你，你會點揀？」我想知道女生的意見。
 
「我唔係你，唔會幫你揀到。」啊宜酒醉得很清醒。
 
我無法反駁。
 
「一係咁講，你覺得，佢地點解會鍾意我？」沉思了一會，我問。
 
「即係，我指係一個咁短時間。」我補充。
 
「鍾意一個人，可以有好多原因。如果係男仔嘅角度去講，鍾意一個女仔可以係因為一個好簡單又顯而易見嘅理由，外表喇，學識喇，又或者係談吐等等。但係女仔角度去講，我覺得係感覺大於一切。」啊宜突然認真起來。
 
「唔…」我陷入沉思。
 
「或者係因為你一個無意識嘅舉動，撩動到佢覺得啱feel嗰個位。」啊宜接著說。


 
「咁我都幾好奇係咩位。」我笑說。
 
「咁就問佢地喇，分別！面對面！」啊宜說。
 
我看著啊宜。
 
「或者咁樣，你個心會更清楚自己想點。」啊宜繼續說。
 
「點解我唔早啲識你㗎！」我笑說。
 
「如果你早啲識我，或者就唔會有今晚而件事出現。」啊宜亦笑說。
 
「因為有上一秒，先會有而一秒嘅存在，如果我一早識你，就未必會有今晚嘅呢翻對話。我知你唔係一個玩家，但你真係要諗清楚，同睇清楚，咁樣對你同芷晴依晨嚟講先係最好。」前往宿舍時，我一直在回想啊宜最後跟我說的話。
 


「諗清楚，睇清楚…」芷晴都有說過同樣的說話。
 
「喂，咁遲㗎，唔通你同…」剛才醉死的啊禧竟然安然無恙的出現在我面前，看來剛剛的他是扮醉，然後休息準備應付這一場酒局。
 
「我唔隊醉你我唔姓趙。」對，我的全名是趙家謙。
 
那晚，我們都喝得酩酊大醉，在斷片之前，我分別發送了兩條訊息給她們。
 
「芷晴，我地搵日出嚟食個飯？」
 
「依晨，洗好咗條毛巾之後，我地約一日出嚟？」
 
「叮…」
 
「叮…」
 
聲音來自手機的訊息鈴聲，而我此刻正橫卧在地上，旁邊是那個被我灌醉的營長。
 
我需要借助此刻的寧靜，無論是環境還是心靈。
 
 
閉起雙眼你最掛念誰　眼晴張開身邊竟是誰 － 人來人往

歡迎大家follow我ig：9.shoots，果邊應該會更新得快啲，同埋會容易覆到大家嘅留言，大家嘅follow同like都係我寫落去嘅動力嚟㗎！

P.S. 聽日應該1點會係ig更新，3點會係紙言更新