《喺Ocamp入面，我竟然同時成為兩個女神嘅獵物》: 我｜myself

（…）
 
我需要借助此刻的寧靜，無論是環境還是心靈。
 
到了翌日，我基本上是睡了一整天，到接近傍晚才醒來，這時首要做的第一件事就是洗澡！
 
水點打落我的肌膚，沖走了我的污垢和疲累，卻帶不走我的煩惱。
 
「好啊，就後日喇，我嗰日全日都得😚」來自依晨的訊息。
 


「好啊！就後日，比個機會你補償我！請我食飯😤」來自芷晴的訊息。
 
看到她們的回覆，只能想，如果此刻的我開始學習分身術還夠時間嗎？
 
「謙哥，去Ocamp有冇咩艷遇先！」回到房間，我的Roommate啊軒問。
 
「唉，一言難盡...」我搖搖頭。
 
「屌你，我依家叫你一句講哂咩？」啊軒笑說。
 


然後我就將和她們相識的過程和此刻的煩惱告訴啊軒。
 
「所以你依家最煩就係同邊個出街？」啊軒問。
 
「最逼切，係。」我說。
 
「就係咁咋...咁你咪兩個都拒絕，然後再約另一日囉。」啊軒說。
 
對了，啊軒提示了我還有拒絕的權力。
 


「不過比我就兩個都揀，然後…嘻嘻！」這翻說話十分貼合私生活本來就極度混亂的啊軒。
 
「頂你喇，認真啲好冇？」我說。
 
「唔通你同佢地同床嗰晚真係冇咁諗過？」啊軒說。
 
我沒有反駁，因為生理上我的確是有了反應。
 
「總之，係愛情入面，邊一面先投入感情就會輸，你要記著我講嘅而句。」啊軒突然認真起來。
 
愛情在啊軒心中只是一場零和遊戲，最終必會分出贏家和輸家，而他永遠都會立於不敗之地，因為他是一個玩家。
 
「同埋照我睇，而單嘢如果你有少少處理得唔好嘅地方，輸嘅就唔止兩個女仔，而係更多嘅嘢。」啊軒說。
 
「唔…」我沒有回應。


 
「嘩屌，原來都成八點，落去食嘢喇！」啊軒說。
 
「好…」我回應。
 
最後，我還是決定和她們坦白。
 
 
我和依晨的對話：
 
「好啊，就後日喇，我嗰日全日都得😚」來自依晨的訊息。
 
「一係我地約過第二日？」我回覆。
 
「你聽日有嘢做？😕」依晨說。


 
「唔係，因為芷晴都問我聽日得唔得，但我唔想放你或者放佢飛機，所以我地約過另一日？😕」我試著解釋。
 
「但我想聽日見到你喎...😔」依晨說得直白。
 
「乖喇😕我地再約過另一日喇。」我嘗試說服她。
 
「唔得，我聽日要見到爸組！另一日都要見到爸組！🥺」依晨堅持。
 
正當我想著如何回覆時。
 
「啊，我諗到喇。」依晨說完就直接消失了。
 
 
我和芷晴的對話：


 
「好啊！就後日，比個機會你補償我！請我食飯😤」來自芷晴的訊息。
 
「喂！我聽日唔得，下星期搵日補數？」我說。
 
「咩話！😤好多人約咁喎！？」芷晴說。
 
「唔係啊！因為依晨都約我聽日，你同佢我都唔想放飛機，所以我地約過第二日？」我試著解釋。
 
「原來係佢...」芷晴說。
 
「唔緊要喇，你同佢出去喇，我冇所謂。」芷晴繼續輸入。
 
「你嬲？😔」我想起她第一晚的樣子。
 


「我約過第二日，係唔想你地以為爸組揀咗其中一個，你明唔明？😕」我試著用道理說服她。
 
「我冇事啊，反正你都會約我㗎嘛，係咪？」芷晴說。
 
「女生話沒嘢即係有嘢，重要係好撚大獲嘅嘢！你地要記撚住啊！唔好中伏啊！」來自啊謙的溫馨提示。
 
當我正想著如何可以逗她開心時，她卻直接下線，與依晨消失的時間相約。
 
 
而當我再見到她們的時候，竟然是在一個新建的群組，名字為三人行。
 
「喂，聽日幾點邊到等？☺️」依晨先說話。
 
「無所謂啊，我淨係想食好嘢！😋」芷晴回覆。
 
「？」沒有多餘的文字，只有黑人問號。
 
「冇啊，既然你揀唔到同邊個出去，咁咪一齊出囉！😎」依晨說。
 
「🤣而個方法幾好，係睇吓爸組接唔接受到🤪」芷晴加入戰團。
 
「咩啊，怕你地食咗我咩？😤」我努力維持一早不存在的霸氣。
 
「啱啱你唔係咁講㗎，爸組！」依晨送我一記左勾拳。
 
「好似有人重問我係咪嬲緊。😋」芷晴再送我一記右勾拳。
 
「好心你幾廿歲人，就唔好咁多幻想喇」芷晴再送我最後一擊。
 
「你地…」我完美倒地。
 
最終，明天早上十一時，我們相約在中環碼頭。
 
 
我愛 是因為我存在 我們認真感慨 是因為 青春住了誰 改變我的姿態 － 青春住了誰

歡迎大家follow我ig：9.shoots，果邊應該會更新得快啲，同埋會容易覆到大家嘅留言，大家嘅follow同like都係我寫落去嘅動力嚟㗎！

P.S. 聽日暫定應該1點會係ig更新，3點會係紙言更新，係假期啊！！！！！！！所以有機會不定時出文