《喺Ocamp入面，我竟然同時成為兩個女神嘅獵物》: 時｜time
（…）
然後，用睡眠掩飾我的煩惱。
「啊啊啊啊啊…」狂風肆意打在我的面上，吹亂我的頭髮，而心臟的失重更加劇了我的不安。
這不是夢境。
時間調回今天的上午，穿著開鈕襯衫配上短褲平底鞋的我，此刻正站在香港站的月台，手裡拿著剛才在便利店買的早餐。
「記住我地聽日十點香港站等啊！」
「同埋要幫我買早餐😋」
「知喇！」
看著手機內的訊息，這時已經過了原定時間，不過女主角尚未現身。就在這時，電話響起。
「喂，爸組你係邊啊？」聽筒另一邊的芷晴問。
「月台囉，你呢？」我問。
「我啱啱比人撞親，入咗醫療室啊，你係月台等我一陣？」芷晴說。
「吓，我過嚟搵你喇！你係邊個位？」我問。
「…」芷晴靜默。
然後我立即跑走最接近的樓梯，突然我眼前被軟物遮蓋，是她。
「爸組，咁緊張做咩喎，好想見到我咩？」芷晴問。
「你啊，又呃人！」我撥開她的手，然後轉身看著她。
芷晴今天化了淡妝，穿上白色T-shirt和短牛仔褲波鞋，展示出她誘人的長腿，和那張貼在小腿上的白色敷料。
「咸濕仔，望咩啊！」留意到我正在注視她的小腿，芷晴小聲的說。
「你對腳冇事啊嘛？」我問。
「你啱啱唔係話我呃人咩！」芷晴叉著腰說。
「咁我以為你重係醫療室，但你啱啱…唉，Sorry啊。」我試著解釋，但還是認錯吧。
「Sorry唔係大哂喎！」芷晴說。
「需唔需要爸組用波多里共和國最高榮耀，親吻你嘅傷腿？」我嘗試模仿新扎師妹的劇情，然後笑說。
「唔要啊！」芷晴笑著把我推開。
「咁冇㗎喇～」我說。
「唔！得！一係咁，你今日要幫我做三樣嘢！」芷晴說。
「吓…」我疑惑。
「有意見？」芷晴逼近我。
「冇冇冇～」我唯有就範。
「話時話，你隻腳點啊？」然後立即轉移話題。
「冇事喇，啱啱比人撞一撞到，依家OK啊！」芷晴說。
「我驚你陣間入迪士尼行咁耐會痛咋。」我說。
對了，我們今天的目的地是那個夢幻的國度。
「冇事冇事，我地搭車先喇！」說著芷晴就拉著我上車。
我們即將帶你進入香港迪士尼樂園嘅奇妙世界...
在園外草草吃過早餐後，芷晴便急不及待拉我進園。
「芷晴，你知唔知咩時候嘅老鼠跑得最快？」和芷晴走在那被植物包圍的大道時，我問。
「前面嗰隻？」芷晴指著噴水池中間的米奇老鼠。
「唔係！」我說。
「卡通入面？」芷晴說。
「都唔係。」我說。
「咁係咩啊？」芷晴問。
「比貓追緊嘅老鼠！」我說。
芷晴聽完笑了起來，樣子很是迷人。
「咁你知唔知咩時候你會跑得最快？」芷晴接著問。
「我？跑步嗰陣？」我說。
「唔係！」芷晴說。
「比人追緊嗰陣？」我說。
「None！」芷晴說。
「咁係咩？」我說。
「知我整親嗰陣，嘻嘻～」芷晴小聲的說。
我微微一笑。
「知就以後小心啲，唔好再整親喇！」我說。
「考慮下，或者我得閒都想睇下你而個樣呢～」芷晴笑說。
「你咁衰嘅！」我亦笑說。
「再衰啲都重有啊！陣間陪我玩車仔！」芷晴說。
「咩啊，想同我鬥高分？我唔驚你㗎！」我說。
「咩啊，你以為玩巴斯光年星際歷險？」芷晴說。
「吓，咁你講緊咩？」我說。
「陣間你咪知，但係依家呢，幫我同隻濕水老鼠影張相先！」芷晴邊說邊走到噴水池旁。
簡單拍過數張照片後，我們便動身進園，芷晴帶著我直接走到胡迪的大本營。
「嗱，車仔咪係到～」芷晴指著那個U型的遙控車。
「WTF，而部邊到係車仔，點睇都係大車，重要係離心嗰隻。」我心想。
「小姐，而部點睇都唔似車仔喇！」我笑說，希望可以逃過一劫。
「我話係就係喇！」芷晴說得斬釘截鐵。
要知道，我是最怕玩機動遊戲，直覺認為付錢去嚇自己是一件不合乎經濟邏輯的事，當然說到尾，還是自己害怕而已。
「美女！可以轉game嗎？」我試著拯救自己。
「唔得，而個係我第一個願望！爸組，你唔係驚下話！」芷晴奸笑著。
「如果我話係，有冇得唔玩！」我決定坦白。
「冇！」芷晴說。
「不過陣間可以同你玩傘兵！」芷晴接著說。
「咩話！重嚟！？」我徹底崩潰了。
「乖，咁樣會唔會好啲？」芷晴說罷拍拍我的胸口。
「你同我一齊上去玩就得！」我說。
「唔喇，我驚～」芷晴笑說。
「咁你重叫我上？」我說。
「冇！得！解！」芷晴說。
然後…
「啊啊啊啊啊…」
大家就看到開首的那一幕，真的很恐怖。當機器停頓之後，我用僅存的力氣拖著自已走出去，芷晴見狀亦走來扶我坐下。
「好驚啊？」芷晴笑著說。
「梗…」正當我打算爆發時。
「爸組唔准嬲！」芷晴用她的手按著我的嘴，然後吻了她放在我嘴上的手一下。
這一下隔手接吻，再一次加重了我心臟的負荷。
要是你 決定明日伴我去闖天與地 會很美 故事延續下世紀 一生都記起 － 他約我去迪士尼
歡迎大家follow我ig：9.shoots，果邊應該會更新得快啲，同埋會容易覆到大家嘅留言，大家嘅follow同like都係我寫落去嘅動力嚟㗎！！！！
P.S. 聽日應該1點會係ig更新，3點會係紙言更新～
小弟最近要開始做功課喇，如果真係遲咗更新，請多多包涵～