[兩性] [大結局] 叫咗個PTBF，居然撞正係Ex: 第三章、初嘗禁果 (3.4 願一切都不要成真 )

 
「Hi」
 
「你係冰冰？你都肚餓啦，我哋快啲入去食嘢啦！」
 
佢伸手示意我向前行。
 
你肚餓咋？我食完早餐冇耐。
 
「ok」唉，是旦啦。




 
我賦予佢一個冷漠嘅回應，可能係因為我唔知道應該點樣同「男朋友」相處。
 
冰冰係我tg是旦作嘅名，既然我俾唔到人冷冰冰嘅感覺，而被人覺得好恰嘅話，咁至少個名要係咁。
佢個名，Ricky， 應該都係假嘅，不過唔關我事。
 
我就係要假嘅嘢。
 
我地各自叫一個Lunch set。呢一餐，只有食物係真嘅。咁樣就ok。
 




「我依家好想出去大大聲咁講，我女朋友好靚呀！」Ricky打開咗話題。
 
好膚淺呀，只睇樣。我決定玩下佢。「你依家即刻出去大叫啦。」
 
「我點會掉低你一個自己走出去呢。」
 
我唸唔到點回佢，就係咁成餐飯俾佢牽住走。
 
「我喂你呀…都係唔好，你都唔肯俾我掂。」
 




「你唔掂我都餵到咖。呀…」
 
唔知點解望住佢餵我，啲野食好似特別好食咁。
 
「係呢，你平時有咩做？」我回過神來。
 
「我仲讀緊書呀，黎緊讀year3 ，呢排想搵少少學費咁囉。你多啲約我呀！」佢一樣係滿面笑容。
 
「睇下點。」今次我話返事啦掛。
 
「你唔理我，我會好傷心咖…其實我要搵多啲錢交學費⋯⋯」
 
學費有幾貴呀，就算讀緊書比唔起，都可以問政府借住先，畢業後慢慢還㗎嘛⋯⋯
 
不過是但啦。我同佢只係客人關係。我唔需要付出任何關心。




 
「Take care」我最後塞咗二百蚊俾佢。
 
「多謝你呀。下次見。」
 
唔知會唔會有下次呢，我報以一個微笑。

我望住眼前人來人往嘅街道，呢個城市到底可以承載幾多人嘅夢？