[兩性] [大結局] 叫咗個PTBF，居然撞正係Ex: 第四章、美女與野獸 (4.1船P )

「聽日我有船P你去唔去」番到之後屋企Daddy whatsapp咗我。
 
「唔去」
 
「我朋友帶咗日本生果同埋生蠔。」
 
「ok」

自從daddy同阿媽離婚之後，就好少係屋企。有好多時返到屋企都成身酒味。唔使講都知晚晚有活動。



由於我地本身都好少見面，我同佢之間都基乎冇嘈過。關係唔算太好但又唔會差。

今次隻船都係佢個朋友阿浩嘅，唔算大，一行入室內就有張沙發，夠五六個人唱K。再行入少少係兩張枱，夠十幾個人坐。再入啲open kitchen同埋兩間套房。房入面有一個浴室，同埋一張好大嘅床。
 
唔好以為船P一定係淫P，如果係嘅話daddy都唔會叫我黎。大家志在一齊吹下水，唱k同落水玩。

而daddy個朋友​​阿佳係開餐廳嘅，有時佢會帶啲市面上好難買到嘅嘢新鮮嘢食俾大家。我就係為咗呢樣嘢而嚟。
 
我坐係隻船嘅上層，任由海風吹亂晒我及腰嘅長髮。



daddy仲有佢個朋友阿浩同阿佳三個人各自帶咗一個女仔上黎吹風。
 
阿浩同阿佳佢哋兩個都係爹哋啲老友，有時食飯都見到佢地帶埋老婆一齊。船上其他人我全部唔識。
 
我地7個人就係度傾下計。啲女仔就介紹下自己咁。
 
Daddy隔離個女仔叫Lindy，自稱係大學生。整容樣。
 
阿浩同阿佳條女分別叫Elsa 同Milk，自稱係兼職model。
 


Elsa個名一聽就覺得好公主，再望一望佢個樣，又的確係有啲串嗰啲港女樣黎，但又係大老板會鍾意嘅類型。
 
Milk就人如其名，一路講嘢一路晾住對F Cup大奶係枱，仲要托住個頭，好似影緊寫真咁。話唔定阿佳間餐廳會到用佢啲奶。
 
Milk係女人都會覺得正嘅類型。隻船行緊個陣啲風特別勁，有時啲海風吹過，我居然會望住佢對浪下浪下嘅波。