[兩性] [大結局] 叫咗個PTBF，居然撞正係Ex: 第四章、美女與野獸 (4.2 大合照)

「黎黎黎影張大合照！」阿傑大聲叫哂所有人落去。
 
通常阿傑係搞手，負責請一大堆女model。班Model一早已經換好晒三點式泳衣，個身就嚟彎到90度咁擺定個pose。佢哋有啲泳衣仲要淨係遮到粒點。
 
我即刻趁機離開現場。雪櫃入面嘅日本水果同生蠔等緊我。
 
阿浩同阿佳都過咗黎一齊食。話唔定佢哋係驚張相流出，俾老婆見到就大鑊。
 
「我們身邊的一切都在變化，就連我們自己也在改變。沒有人能肯定明天是否還會愛着今天所愛的事物。」
 




今日佢地「愛」嘅「女朋友」Lindy， Elsa， Milk....一切都係假嘅。
 
對於做生意需要係唔同場合social、玩開女嘅男人嚟講，佢哋只係一張張卡片。就好似細個嗰陣會收集嘅遊戲卡片咁樣，朋友之間都係度收集，互相比較大家嘅卡片，如果冇嘅話可能會同你少啲話題、甚至從圈子裏排擠出去。  
 
今次個party我請下你上船玩，你幫我請返女model搞氣氛，都係一種交換。
 
工作以外，佢哋有個真嘅老婆。
 
我呢？我可以有真嘅男朋友嗎。