只有做愛的時候我才聽得見聲音: （72）

「少爺，條路有啲滑，小心啲行。」行喺前頭嘅何管家提醒。

「嗯，我知啦。」Alex放慢腳步。

「Alex，你把遮遮過少少，我膊頭位遮唔到。」

與Alex並肩同行嘅晴晴話。

Alex調整一下把遮嘅位置：「咁樣遮唔遮到？」



「嗯，咁樣就啱啱好遮到啦。」

呢日，Alex帶晴晴一齊拜祭自己父母。

一般嚟講，男女雙方結左婚，先會拜祭對方嘅家人，而晴晴同Alex雖則仲未結婚，但Alex已經當左晴晴係自己人，再加上對方之前都帶左自己去拜去世嘅母親，咁依家輪到佢帶返對方嚟見自己父母。

「阿爸阿媽，我身邊呢個叫晴晴，佢係我女朋友，今日我特登帶佢嚟俾你地見下。」Alex將白花放喺墓前。

晴晴都將手上嘅花獻到墓前：「世伯、伯母，我叫晴晴呀，暫時都仲係Alex嘅女朋友，不過我諗好快就變成老婆架啦。」



「十劃都未有一撇，阿爸阿媽，你地唔好亂聽佢講。」

「唔係呀，琴晚你發開口夢，明明喺度講『晴晴你嫁俾我啦』，我全部聽到曬架，係我未應承你住咋。」

「我明明就無發開口夢嘅習慣。」Alex話。

「你唔信咁等我下次錄俾你聽。」

「好呀！」



雨已經停左，佢地拜祭完就慢慢行返落山。

然而地下真係好滑，晴晴唔小心差啲跣親。

好彩有Alex扶住：「無事呀嘛，行行下突然企唔穩，你唔係個肚痛呀嘛？」

「唔係呀，係地下跣咋。好心你唔好咁緊張啦，醫生都話我好返曬囉。」

當日晴晴接受左新藥治療，結果係隻藥效果非常好，依家晴晴已經好返曬，徹底地康復。

佢又變返以前嗰個精靈、活潑、健康嘅晴晴。

Alex拖起晴晴隻手話：「咁我拖實你行，咁就唔怕跣啦。」

二人十指緊扣，慢慢咁行落返山。



何管家返去買餸煮飯，晴晴同Alex就去行下街，享受一下二人世界。

佢地嚟到一間唱片鋪買CD，兩個人一人帶一邊耳機，一齊試聽下陳列嘅CD。

「呢隻幾好聽喎，不如買返去今晚聽下囉。」晴晴對Alex講。

「麻麻地啦，編曲好似有啲無聊。」

「但我幾鐘意主音把聲。」

「把聲係幾好，但編曲真係麻麻地，睇嚟你喺音樂鑒賞方面仲需要進步。」

「唓~明明就好聽，係你唔識嘢。」晴晴扁嘴話。



「算啦，既然你咁鐘意聽，咁就買返去今晚我地一齊聽啦。」

「哈哈，好嘢！」

佢地兩個依家仲保留住，每晚九點一邊聽歌一邊做愛嘅習慣。

以前就淨係聽Alex嘅歌，依家晴晴都有話事權，可以播佢想聽嘅歌。

今晚晴晴就揀左喺CD鋪買嘅呢隻《Love Psychedelic Orchestra》嚟聽。

呢隻係日本樂隊love psychedelic嘅同名專輯。

昏暗燈光之下，男方脫去女方身上衣物，伸手撫摸軟淋淋嘅乳房，同時親吻對方嘅後頸。

「嗯…」女方嘴裡發出輕輕喘氣聲，感受對方嘅安撫。



二人喺床上赤裸咁糾纏一齊，翻來覆去，相互擁吻。

等到大家下面都有反應，Alex就提槍進入晴晴嘅私處。

充血堅硬嘅陽具慢慢進入濕滑嘅洞穴，未等完全插入，晴晴突然大嗌：「停停停！好痛好痛！」
 
Alex見到對方掩住下腹嗌痛，即刻就抽返條嘢出嚟，並好緊張問到：「你無嘢呀嘛？個肚又痛？」

「唔係個肚痛，而係呢個位痛。」晴晴指住下腹位置。

「唔係嘛，咁大獲？咁我地拿拿臨馬上入醫院檢查下。」

Alex好驚，佢好驚係對方個病復發，好驚見到噩夢重現。



佢地換返衫，何管家就車佢地到醫院。

晴晴做左一個詳細檢查，並且留院觀察。