只有做愛的時候我才聽得見聲音: （73）

幾日後，個檢查報告出嚟，顯示晴晴並唔係舊病復發，而只係子宮發炎。

Alex擔心左幾日，終於先鬆一口氣。

而發炎嘅原因係源於晴晴體內嘅嗰個子宮環。

長時間戴住子宮環係有機會導致子宮發炎。

醫院嗰邊幫晴晴攞返個環出嚟之後，佢就已經無曬事。



只不過無左個子宮環，就衍生左一個關於避孕嘅問題。

佢地兩個講好左唔要小朋友，因為晴晴個病40%機會遺傳，佢地唔想個下一代承受自己承受過嘅痛苦，所以決定左唔生。

一路以嚟，Alex就慣左唔戴套，兼且成日都射入面，之前淨係靠晴晴體內嘅子宮環避孕，咁依家除左個環，佢地就揾第二個避孕方法。

呢日佢地訓教前，訓喺床上一齊諗緊點算好。

「不如你以後戴套呀？」晴晴喺床頭拎出一盒condom話。



「但係戴套我會好唔慣喎，一係你食藥？」

「梗係唔得啦，食藥對女人傷害好大架。」

跟住晴晴諗一諗話：「我諗到啦，你結扎咪得囉。」

「下？我去結扎？」

「係呀，你扎左咁咪可以唔洗戴套，又可以射入面囉。」



「唔好啦，男人扎左好似唔係幾好嘅…」Alex唔太願意。

「扎左又唔係閹，都無乜問題呀？定係你想偷偷地出去揾女人同你生？」晴晴用銳利嘅眼神望住Alex問。

「哎呀，我點會揾第二個女人生呢？我有你一個就夠啦。」Alex攬住晴晴講。

「哈哈，口甜舌滑，但你真係要諗下點避孕，一係就你以後戴套，一係就要結扎。」

「好啦，我認真諗一諗啦。」

Alex苦思左幾日，發覺自己真係唔慣戴安全套，於是選擇左結扎。

佢諗過架啦，為左心愛嘅女人，做結扎其實都無咩大不了啫。

雖然佢兩個決定唔要小朋友，但都唔愁會寂寞，因為佢地開始收養貓仔。



除左豆豆之外，依家仲養多左五隻貓，屋企可以話係相當熱鬧。

隨住二人嘅感情越嚟越好，關係逐漸加深，Alex終於作出人生一個重大決定。

「做咩今日咁突然帶我出嚟沙灘睇日出？」晴晴問坐喺側邊嘅Alex。

「咁我應承過你，等你好返我就同你一齊睇日出架嘛。」Alex答話。

晴晴甜笑話：「哈哈，你咁都記得？」

「你講過嘅每句說話我都記得。」

Alex講完呢句，二人帶著愛意相視一笑。



隨之太陽破曉而出，晨光照耀沙灘，映照在二人臉上。

「哇，好靚呀~」晴晴望住從地平線慢慢升起嘅太陽。

呢個時候，Alex拎住手上嘅戒指，單膝下跪，向對方求婚。

晴晴完全係意想不到，一下子感動得熱淚盈眶，而佢俾出嘅答案當然係：

我願意。



（全文完）




（Song list：https://open.spotify.com/playlist/69OeU06J4hWPml8r3uKGoC?si=d5d4cce469ba48c4）