春夏秋冬都是妳: 三

「娘娘到屋企喇」我說
怎麼沒反應呢？原來睡著了。
「唉，咁都可以瞓得着，仲要流口水」
我輕輕地把她放在沙發上，讓她好好躺著。
我打開雪櫃，只有些已發霉的剩菜剩飯。那也難怪，沈小姐長年到我家吃飯，很少下廚。我把它們扔掉，又替她清好垃圾。

她還未醒，我也閒著沒事做。
「你就好好瞓啦，平時辛苦晒喇」我輕聲地對她說

看著眼前這個小女孩，感覺煩惱都拋諸腦後。看著看著，我也睡著了。



一覺醒來，日落已經西下。

「醒吓喇，太陽都落山喇」我對她說
「我要繼續瞓呀」她的小脾氣又來了
「最多我請你食飯喇」我只好這樣說
「咁就唔同喇」她隨即彈起來了
「你唔係好攰咩」我問
「你請我食飯喎，梗係精神晒啦」她像個小女孩一樣雙眼發光
「唔係扭親要人揹咩」我問


「邊個扭親啊，宜家跑馬拉松都得啊」她得意地說
「妳睇住啊妳，懶係勁咁」我擔心地說

我們一路來到商場。
「點，想食乜」我問
「譚仔？」她說
「行啦咁」

坐下未等樂晴開口，我已經搶先說出她想說的。
「腩肉牛丸十小辣，土匪雞翼吖嘛」


「醒目喎，咁都記得」
「梗係啦，我係你邊個啊」
「你咪佢男朋友咯，食咩啊你」一旁的譚仔阿姐搭話了

我隱約看到樂晴的臉紅得像個蘋果一樣。
這很尷尬啊...

「雞肉魚片茄湯」我說
「傾陣先，轉頭有得食」阿姐說

「嗯...唔好意思啊，要你咁尷尬」我先開口說
「唔緊要啦，我地識咁耐都俾人誤會過好多次啦」她笑笑說
「唉，咁多年你都搵唔到個伴，唔係我扮住先都無人肯扮」我揶揄她說
「邊個話我無人追啊，我行出街都大把人追我啦」她不滿地表示
「你都睇唔上眼㗎啦」我說


「係佢地質素太差喇，唔通佢係渣男都照say yes咩」她也有點道理

「嘢食到，襯熱食」譚仔阿姐放下兩碗熱騰騰的米線
「我唔客氣喇」樂晴雙手合十說
「日本人咩，哈哈」我趁機拍下了這個可愛的時刻
「喂啊，做乜偷拍人喎」她不滿地說
「我鍾意啊，吹咩」
「哼，影得咁開心，嬲你啊」她裝作生氣
「食嘢啦，凍晒喇，使唔使人餵啊」我說
「我又未至於咁公主病咯」她反擊說

飲飽食醉，最適合就是散散步。
「行吓啦公主，越黎越肥喇」我說
「我呢啲係幸福肥，唔使減㗎」她一臉自豪地說



這個時候，一個既熟悉又陌生的人走近我們。
「哎呀，咁都撞到你地喎」她說
我認得了，是中學那會兒的綠茶Emily...
「又會咁啱嘅，咩風吹你過黎啊」我不想再跟她糾纏下去，不耐煩地說
「咁無禮貌㗎，話晒當年你都係我裙下之臣吖」她繼續說 「斷估你都係請PTGF解寂寞啫，我唔介意你再做返我裙下之臣喎」
「你...」我怒了
「我諗皓朗要婉拒你嘅好意喇，因為我就係佢女朋友」突然樂晴說話了，向我打了個眼色
「你講我就要信？」
突然，樂晴深深的一吻在我嘴上。
「你宜家信啦？」樂晴得意地看著Emily
「你...你地好嘢」綠茶敗走了

「呼...頭先你錫到我透唔到氣啊」我才剛回氣
「仲好講，蝕晒俾你啦」她不滿地說
「嘿嘿，多謝你咯，今餐我嘅」


「咁就差唔多」她滿意地笑了


飲飽食醉，當然要散散步。
「大小姐，今日過得開唔開心先」我問
「唔...都算開心啦，不過俾你抽晒水啦，哼」
「對唔住咯，我點知個bitch會無啦啦出現喎」我無奈地說
「講，點解鍾意佢」樂晴殺氣騰騰地質問著我
「咪...就係同學...跟住又靚...咁咪...係咯」我吞吞吐吐地說，像個犯錯的小孩一樣。
「哼，膚淺」她頭也不回地走遠了
「喂啊，對唔住咯，你咁著緊做咩啫」我不明所以
「唔通妳鍾意我？」我試探地問，果然她立即停下腳步了
「無可能！」她斬釘截鐵地說
「唔鍾意咪算咯，但係著返件褸啦，夜晚凍啊」我好心提醒
「唔著啊，哼」她逕自走回家去


——————樂晴視角——————
為什麼我做得那麼明顯他還是不明白-.-
「乞嗤」為什麼這麼寒冷的...