無啦啦有三條女同左我一齊住: 14

「嘩，賤到仆街喎，一船踏兩船果啲男人真係快啲去死啦」同為女人既嘉桓聽到



刀仔語重心長道：「不過衰啲咁講，今日咁都撞到...其實都可能係好事既...」


「下？」我問

聽tyson同阿豪講刀仔都算係最多戀愛經驗果啲








「我同意刀仔呀...如果條仔瞞住自己偷食，早啲知道都好既，長痛不如短痛」

狗哥都同刀仔既見解：「不過響大庭廣眾面前見到，仲要做埋啲親密行為，分分鐘有陰影架」







我地講野似乎大聲得濟，引來椰奶既怒視



「唉算啦算啦...解散啦...」

見到椰奶露出不悅既神情，我地都識趣，隨即解散返房







真係估唔到chantal既男朋友原來都係賤種黎

不過



「咁咪即係話....chantal佢依家...係單身？」

呢一個惡念隨即響我腦內閃過



「屌屌屌...依家唔係諗呢啲野既時候呀.... 」

chantal啱啱先比個賤男hurt完，你諗乜撚野自己有機呀....








結果，到我訓果陣，我仲聽到出面chantal既喊聲


到我起身果陣，已經係11點

「呼...訓左成9個鐘....」

星期二剩係得下晝一堂maths lecture，所以我先訓到咁晏


尋晚tyson同阿豪見出面chantal喊到咁，都唔敢彈結他同舉鐵





佢地都算係識睇眉頭眼額既...


「喂早晨呀...」

椰奶正響大廳食緊腸仔包，睇佢既精神狀態都應該係啱啱起

「訓到咁晏架你...」




「屌今日得下晝果堂，無所謂啦...」





我再問：「呀....chantal呢？」


「佢？響我間房囉，應該仲訓緊」




「即係..佢成晚都響度？」


椰奶點點頭

「嗯，我同家姐陪左佢成晚啦...我都係訓得果四個鐘咋！」





「不過..chantal情緒都開始平復返少少..都係好事黎既」



「嗯..咁就好啦....始終都要啲時間」


「一陣果堂我唔上啦，你幫我抄低啲重點啦...chantal有我同我家姐睇住得架啦」


「哦..好呀...」

椰奶叫到，加上chantal依家咁，我點都會幫既..

「講起上黎...你尋日喝果個richard都幾勁喎...」




「咁真係忍唔到丫嘛，條契弟咁樣對chantal仲諗住解釋？」

諗返起，椰奶果下爆seed真係好恐怖...

只希望以後唔會得罪椰奶啦




返到去lecture hall果陣，肥成同阿琨都未返

我求其寫埋一角



周圍既人都一早已經埋哂堆，有自己既圈子

所以啲人成日話要去ocamp識人，其實都不無道理


無左椰奶既話，我就只係得返肥成同阿琨

但同時肥成同阿琨又有自己既hallmate

一諗到呢度，我就覺得自己都好孤獨



「咦....？」

雖然個lecture hall都好大，但我都仲認到


阿純正響我前少少果排

呢科maths應該係成個faculty都要讀，所以阿純響度都唔係全無道理


果陣響ocamp當左佢係目標，不過佢份人似乎都係cool開

唔單只我，我諗都無乜人都同佢熟啦...




lecturer啱啱開始簡介個course果陣，肥成同阿琨send左tg過黎

「今日hall有野搞，唔返了，你幫我抄野啦」


屌你老味，又唔返....

椰奶要返工就話姐，你兩條友去玩我又幫你抄咩


響幫緊椰奶抄緊notes既同時，我都有昅到前面既阿純


佢，根本就完全唔係聽緊書！

阿純一路用緊部macbook打緊字，好彩個lecture hall都算多人講野
 
如果唔係應該全部人都聽到打字聲


我係咁咦偷望下，佢好似打緊文

中間仲有啲野食既圖


唔通，佢係foodie黎？