無啦啦有三條女同左我一齊住: 15

咁...佢係果啲專寫介紹文既foodie都唔奇丫


我醒返起阿純響ocamp有提過

「係呀..我.我鐘意食野丫嘛」

落堂果陣，我見阿純都準備執野走

咁我都特登扮下野，同佢迎面撞過






嗱我唔係好似啲狗公咁做機會呀，我只係想同佢阿純打開下話題


「咦，hello呀阿純」

阿純有點錯愣，但都叫有同我打返個招呼

「呃...hello....你好似叫新...？」






仆街，連我個名都唔肯定？

「係新地呀，哈哈...」



「咁我走先啦，我仲有下一堂，拜拜」





阿純講完就急急腳咁走



我...無咁恐怖下話....

唔係既，可能佢咁啱真係有堂上姐...



返到暗hall果陣都6點幾，見到成班人圍住哂響大廳果度


「嗚嗚....嗚嗚嗚......」





「唔...唔好喊啦...」

呢把喊聲，係chantal...



「喂...做..做咩呀？」

我細細聲問：「chantal唔係好返啲既啦咩？」


狗哥有啲支吾以對

「係就係好返啲，但係...」






嘉桓氣道

「最衰tyson囉，頭先無啦啦拎啞鈴出黎舉，chantal出黎見到就咁啦」

「嗚嗚嗚...richard平時都好鐘意做gym...嗚嗚...索索....」

chantal又變返好似尋晚咁爆喊



「喂，我無辜架...我點知果條食屎狗鐘意做尖咩！」

tyson為自己辯解






「好地地響房做唔得既咩！」

「總之係你錯啦tyson！」


群眾壓力下，tyson對chantal道歉

「對...對唔住呀...」


「...索索....」

chantal喊得太耐，鼻涕都流到唇上






tyson叫身後既阿豪

「喂阿豪，你結他咁勁，整啲歌比chantal聽下丫」


「...有用既咩？」


「試下先啦！」


阿豪聽tyson，響房拎左支結他出黎


「只怕無法再有這種情懷~~優美得共你同時在這世界~~~」

阿豪一開金口，我地眾人都掩住耳



「....嗚嗚嗚！！！佢好鐘意張敬軒架！！嗚！！！」


「喂豪少你唱乜撚野車干仔呀！」

「我點知佢個ex鐘意張敬軒姐！」

tyson同阿豪互鬧之際，chantal繼續喊


「喂呀，你兩條友搞到咁依家點收科呀！」

大家既矛頭都直指佢地兩個



「喂新地」

椰奶突然叫我


「咩..咩事呀...」



「你整個笑話比chantal聽下先啦」


「下我？」

講笑話我邊識呀，識既話我響ocamp一早溝死女啦..




「快啦...」

比椰奶逼住，我唯有即使諗下最近有咩笑話....



「諗下先...」


有...有啦！




「chantal，睪丸呢...其實...就唔應該係用『一粒』，係應該用『一個』」

響個女仔面前講「睪丸」兩個字，其實都幾on9


「你有冇搞錯呀新地，講咸野」

「你變態架？」


響一眾怒屌聲下，chantal一路流住眼水，一路望住我



「因為歌都有得唱啦...『陳奕迅~~~的確是得一個~~~~』....哈哈哈哈！！！」



一講完，在場十幾人都靜哂

「唔...唔好笑咩...？」

唔係喎，頭先上堂上網睇到笑到仆街喎..



「再整多個囉..曹操打丁打太力，整斷自己海綿體，會變成邊位歷史人物？」

在場無一個人答我，唯有自己答返

「曹操字孟德，係孟德斯鳩呀哈哈哈哈！！！」






「嘩...新地...」刀仔都無言以對

「0分，自己返去檢討下啦」otto亦屌柒我


「...格....」


下...？


眼前既chantal，雖然繼續都係流緊眼淚，但

竟然笑出左一聲，仲要係因為我呢個笑話！！