「呼...呼...」


「頂住呀tyson!」

「你得架!!!」



拎起一shot既tyson猶如等待上台既拳手咁,不停呼氣






「飲!!!」


「骨碌...咳!!!!咳咳咳!!!!!咳咳!!!」

tyson終於頂唔住係咁咳






「yeah!!!!!!!!!」

成班女仔擊掌喝彩


「講左你地男人廢架啦!!!」

阿梅得勢不饒人,繼續恥笑:「好!食野!!!」







「咳!!!咳咳!!!」而戰敗既tyson,就繼續咳到就死咁



經過一輪「激戰」後,我地總算將枱面上既肥牛、各種丸同海鮮清哂

大部份人都攤哂響大廳既梳化同地板上面訓教


「嘩...個個食完就訓...真係無你地收」

只係飲左少少既marie仍有精神,睇住眼前既畫面只能苦笑






聽人講,住hall啲人都成日會飲酒飲到好癲,估唔到暗hall呢度都會



「新地,chantal,唔好意思呀,可唔可以同我一齊執碗呀」

marie難為情笑道:「得返你地兩個...哈哈...」


「嗯..可以呀....」

我同chantal一齊將啲碗碟放返入廚房


chantal突然開口





「新地...前幾日,多謝你呀...」



「...嗯?」


「我果日喊到豬頭咁,你講左個咸濕笑話比我聽嘛,哈哈...」

chantal做出一個甜笑:「其實...呢個笑話都唔係0分既...」


「...哈哈...」





我只好尷尬笑道:「你..無事就好啦...」




「我覺得...以前既自己真係好傻,竟然比果個人控制哂....自己」

「椰奶講得啱架,佢真係control freak黎架,乜都唔比我做,自己就乜都做得,我都仲要幫佢講好說話,痴線架!」

chantal講得咬牙切齒


「見到你咁快好返就好啦...」






「都係多得椰奶咋...無佢呢幾日咁樣陪我,我都無咁快諗得通」


今次件事都真係睇得出椰奶係義氣仔女黎既...



經過一輪功夫後,我地三個總算清洗好所有碗碟


「呼...辛苦哂你地啦」

marie向我地遞上兩支綠茶


「唔該..但係出面....」


chantal咁樣講一講,我先醒起大廳出面成十幾人響度訓緊



「係喎...扶返好佢地由佢地訓下先啦」



我行埋去otto身邊果陣,聽到佢發開口夢

「marie...我好鐘意你呀」


咩話,佢又同阿豪一樣鐘意marie?

好彩呢下唔係好大聲,唔響隔黎既marie完全聽唔到


不過,marie咁靚,多人追都正常既...

反而好奇既係佢好似無男朋友


我將otto拖開,大字型攤響地板上後



「嗚....嗚!!!!」

突然,響otto隔黎既阿梅大叫兩聲


「做..做咩呀..」我問


「佢嘔呀!我去攞膠袋呀!」


「點...點算呀!」

chantal似乎未試過應對呢啲場面,一時手足無措


我將阿梅扶起

「喂..無無無無無野丫嘛?」



「喂新地有膠袋啦!」

可惜,marie都係黎遲一步






「嘔呀呀呀呀呀!!!!!」

阿梅鼓氣,一堆嘔吐物從口中噴到我既頭上!!!

感覺,就好似果陣果啲冰桶挑戰咁!不過,今次係臭到仆街既嘔吐物!




「....哈哈哈哈哈」

連chantal同marie見到呢個場面都忍唔到笑



「呼....舒服哂」

狀態仍然閪迷既阿梅嘔完後,露出滿足既表情



「做乜撚野..咁嘈呀...嘩屹屹屹屹屹!!!!!!新地你....屹屹屹屹屹屹!!!!!」

刀仔似乎比我地嘈醒,點知就見到我比嘔吐物兜頭淋既尷尬場面,馬上失控爆笑


「屌你老母閪即刻影低先屹屹屹屹屹!!!!!!」

仲即刻拎出手機影相



我仲感受到啲未消化既肥牛墨演同埋啲蟹肉

仆街,好撚臭呀!!!
已有 0 人追稿