無啦啦有三條女同左我一齊住: 19
「唔好意思呀新地...格格格格...尋晚嘔到你成頭都係....」
阿梅掩住嘴笑道
「阿梅都叫係靚女丫...你有得接觸佢既體液喎...格格格！！！！」肥昇笑道
愛雯村掩住鼻
「咦肥昇你講到好核突呀！唉新地你當發惡夢算啦...」
「咪當體驗下囉屹屹屹...」tyson一路做掌上壓一路笑
larry走到我頭邊
「等我索下新地個頭先...屌你老味仲臭既！阿梅你食左屎黎呀？」
「收聲啦你尋晚好似我飲咁多既話你嘔到今朝啦！」阿梅反駁
「啊呀呀呀呀！！！！！」
尋晚我比阿梅啲嘔吐物淋完之後，即刻衝入廁所洗頭
「仆街！！！」
我將頭頂果啲食物殘渣洗走哂，再狂落洗頭水洗頭
「新地...你有冇野事呀！」chantal響廁所出面問
「冇...冇事....我洗下頭ok架啦...」
結果，全晚我洗左10次頭，但陣嘔吐物味都仲響度
「唔好再笑啦，新地已經好慘架啦」
雖然chantal都有笑，但至少佢有同情我丫
「丫講起上黎，果陣我響ocamp都已經話過你剪埋啲油頭好肉酸架啦，你都仲唔轉髮型既！」
比椰奶咁樣一講，我又真係諗返起，成個月個剪頭髮啦喎
「係喎，新地呢個頭講真...真係好撚柒....」
刀仔同otto一路睇住我果個無gel既油頭髮型，一路恥笑
「好心你跟阿豪去剪個型少少既頭丫」
「乜呀....」
留意左成個禮拜，阿豪既髮型同衣著應該都係暗hall裡面最firm果個
「係囉...我覺得阿豪個髮型次次都幾好睇丫」
坐響lobby既marie笑道：「新地你咪試下跟阿豪去剪一次囉」
「係...係咩...」
marie一讚，阿豪即刻支吾以對
唔通之前tyson講既野係真？阿豪暗戀marie
「咁我幫你問下有冇位囉...」
阿豪拎起手機：「咦佢話今日3點有人cancel booking喎，我幫你book啦」
「唉最多我跟埋去，比錢請你剪頭髮啦！」
阿梅非常豪爽：「嗱，比我淋一次就有得免費請頭髮，係咪抵先新地！？」
....唔係
下晝，我同阿梅就去阿豪推介果間salon
仆街，間salon響駱克道果邊，遠到仆街
「嘩乜響銅鑼灣咁遠架！豪哥真係好介紹！」
著住熱褲既阿梅開著電風扇：「阿姐我平時去開果間都係尖沙咀架咋」
「鬼叫你嘔到我成頭都係咩...」
「我都講左sorry啦！」
阿梅拍住我膊頭笑道
「唉新地，做男仔就唔好咁記仇，無女仔鐘意架！」
阿梅身高應該過米7，仲高過我少少
企佢隔黎真係好自卑
我地坐住lift，終於去到果間salon
嘩，真係高級salon喎，成個裝修都grand好多
我同counter個姐姐講
「唔該...我約左vincent既..」
「好呀...係咪三點鐘？」
「係呀」
「咁你坐下先」
無幾耐，一個留木村頭既高大男生走到過黎
「hi，你就係阿豪個friend呀？」
「嗯係呀..你好...」
「嘩幾靚仔喎...」阿梅響我耳邊叫道
「你地叫我vincent得架啦，點呀想剪咩髮型，可以睇下書架喎」
vincent遞上數本髮型書
嘩，全部都係架仔髮型黎架喎
「呢款丫，幾有型喎！」
「呢隻呀！johnny事務所果啲架仔都係呢啲頭之嘛！」
阿梅係咁比意見我
「但係...我個頭啱剪咩...」
一路都係求其去qbhorse剪既我，都係臨去ocamp之前先搵間salon剪個會展頭
不過我啲頭髮生得好快，依家已經勁厚
vincent摸一摸我個頭
「唔係丫，你個頭夠長，又唔算幼，好多髮型都做到」
我好想同vincent講，呢個頭尋晚先比我隔黎既阿梅嘔完
我同阿梅左揀右揀，終於搵左款要電髮既
「嘿嘿就睇下你剪完會唔會變男神啦」
阿梅完全係抱住食花生既心態，志在睇我仆街
由洗頭吹頭到剪，全部都係由vincent親自動手
「你係阿豪好熟架？見你個樣...好似細過佢咁喎」剪緊果陣vincent開口問
「呃...都算係roommate既...」
「哦我知啦，果間『暗hall』丫嘛」
vincent道
「咦vincent你又知既？」
「阿豪搵左我剪幾年架啦，所以咪有講囉」
vincent望向另一邊既阿梅：「我諗佢都係暗hall架啦」
「呃哈哈係呀...」
呢個似乎係個好機會問下阿豪以前啲野：「係呢，阿豪平時係咪都係咁cool架？」
「少少啦佢性格係咁，熟左就會多野講架啦，就算佢year1仲響舊hall住果陣都係咁」
「...佢住過舊hall？」
vincent似乎有點驚奇
「咦你唔知架？佢話係year2先至去依家果度住架咋...好！洗洗頭先，之後再落電髮藥水」
原來阿豪真係住過舊hall，不過點解之後又會唔住既呢？
阿豪樣都算唔錯，無理由人地唔留佢丫...
「好！完成！」
vincent幫我拆哂啲夾，過多次水，再落gel同噴野
嘩頂你，真係成個架仔咁
「嘩新地你整左容呀？！型到癲喎ching！拍得住阿豪喎！」
阿梅都忍唔住走過黎：「話左呢個頭襯你架啦！」
啲人成日話髮型影響一生，依家終於明！
同時都覺得之前去剪乜撚野油頭真係好on9！