無啦啦有三條女同左我一齊住: 22

「丫你偷睇人既？唔通你...」

傻強偷笑，似乎想屈我暗戀阿純


「foodie...」

chantal係咁望住阿純：「原來阿純咁犀利架...」






阿純正食得津津有味，甚至仲不顧儀態，口邊都係食物既醬汁

「嘩食野食到咁唔理儀態都有既...」傻強苦笑道




「喂！！！」

忽然一聲大叫，將我地既注意力吸引過去






「你啲汁彈到我呀！！！」

兩個後生mk仔，對住阿純大叫



「唔...唔好意思呀..」





阿純即刻起身鞠躬道歉



「八婆你知唔知我呢件係fair of god "essential"黎架！」

其中一個帶頭大叫：「你點賠返比我呀！」


「我...我...」



「屌你老母！！！！」






個mk正要落手之際

「砰！」


「喂，都道左歉啦，仲想人地一個女仔點呀？」

傻強一手捉住個mk隻手


「咦...」

我同chantal望去隔黎，嘉桓同傻強都唔見哂！






「係咪男人黎架！響度恰個女仔！」

嘉桓都加入戰團，搞到成間餐廳望住哂


「關你撚事咩做架兩！」

個mk諗住甩開傻強果陣

傻強已經發力將佢壓到地板上


「你瘦到咁，做下尖先開人拖啦」






「你老母！！」

另一個mk都準備出手


傻強即刻將一腳伸開個mk，踢飛到餐廳門口前


「死mk響度恰女仔似咩男人呀」

傻強既氣勢已經將兩個mk嚇到縮到門口


「即刻同我躝！！！！」






傻強大喝一聲，兩件mk即刻走夾唔抖衝出餐廳



「拍拍拍拍拍拍拍！！！！！！」

成間餐廳掌聲如雷，就連啲員工都忍唔住拍手掌


傻強呢一下，真係好型...



「喂喂，你無事丫嘛？」

嘉桓問阿純：「有冇嚇親呀...？」


「無事呀...」

阿純好似仲驚魂未定：「我ok呀...咦..」



阿純終於留意到我同chantal


「呃...hello呀阿純...」


場面一下子就尷尬起黎





「頭先..唔該哂你地呀...」

坐左過黎我地枱既阿純，再次向傻強同嘉桓道謝


「唔駛...果兩件mk一入到黎果陣我都睇唔順眼架啦，頭尖額窄咁」

傻強飲住啤酒道：「不過你自己一個女仔又真係危險少少既...」


「因為..我...要食野出post呀」

阿純摸摸頭，有啲難為情：「我呢..有個ig page係寫食評既...」



「咦即係比新地估中左喎..」

傻強一句，使阿純即刻望過黎


屌，咪即係比阿純知我偷睇佢



「呃...我...上次上堂見到你打緊字...」


「哦....」阿純一句帶過，當無左件事



「咁你個ig page叫咩名呀？」

嘉桓問：「等我地又like下先...」



「叫heather.loves.food呀...」


我開ig一search，都有成三百個like

多過我本身個ac


「『阿純的美食之旅』 like左啦！」

chantal向阿純展示電話


「多..多謝你地呀...」

阿純道：「但係..我都差唔多要走啦」


「下，9點半咋喎..」嘉桓望望手錶



「我...住大尾督....」

阿純苦笑道：「十一點返唔到大埔既話就會無車架啦」


「下咁你唔住hall？」傻強問



「....我唔鐘意...」


阿純道：「其實daddy媽咪都有叫我要玩多啲，但係...」


「我玩中o果陣第一日其實已經想走...」