無啦啦有三條女同左我一齊住: 21

「啱傾？但你地都係ocamp識姐，有冇咁熟呀...」

肥成古惑地問


再比佢地盤落去應該穿撚哂煲

「唉我趕時間呀，我走先啦bye！」







「喂喂！！！」


成功擺脫阿琨同肥成之後，我先慢慢放下腳步

「唉...住個hall都要瞞黎瞞去」


我唔知呢個時候同佢地兩個講暗hall既存在係咪適合





佢地知道左既話可能即使又借啲意上黎，甚至直接話要搬入黎


所以，暫時唔講住都係上策




「我返黎啦...咦...無人既..」





6點幾返到暗hall果陣，成個大廳都無人，連marie都唔見人


「咦新地你返左黎啦？」

chantal同嘉桓一齊響房出黎


「啱啦新地，出唔出去食飯呀？」嘉桓問



「哦...好呀...」






「咦你地食飯呀？我又去！」

傻強突然響自己房彈出黎


「頭先有唔見你話食！」

「咩呀，頭先未肚餓姐，依家餓到仆街嘛！」傻強淘氣道



「咁...我地食咩呀..」

「我..有推介喎」







我地跟住嘉桓去到九龍城，某間泰國餐廳


「呢間泰國野好出名架，之前我同fd都食過幾次」



「唔好食既話你請呀！」

傻強好串咁答






「你個傻強志在想食霸王餐姐！」

嘉桓問我同chantal：「你地睇下食咩先？」



我地幾個叫左冬蔭功、生菜包、炒飯、豬頸肉等等


「喂係喎chantal，呢幾日住得慣唔慣呀？」



「都可以呀...椰奶佢地兩姊妹都好照顧我呀」





chantal飲住佢杯檸檬梳打：「暫時都幾開心既...」



「新地呢？不過都唔駛問啦哈哈！！」

「係囉，有得免費剪頭髮點都抵返哂啦！」

嘉桓同傻強一唱一和，又搞到chantal都笑埋一份



「唉咪再笑啦...」

我再問：「係喎，點解你地兩個果陣都黎左暗hall住既？」




「屋企響西貢太遠啦，而且我果陣又摺到無報hall」

嘉桓道：「咁啱果陣識到愛雯村，大家咪一齊搵地方住囉，結果就搵到暗hall啦」

原來嘉桓同愛雯村一早識



「我就仲簡單，我唔想對住我個仆街後母」

傻強語帶悔氣：「由細到大乜都益哂自己個仔，仆街啦去」

「果陣好似...唉我都唔記得啦，總之黎到見到marie幾靚女咪決定住囉，又平租」


「聽聞你hall o果陣打人先無得住hall咋喎！」嘉桓偷笑


「屌咁都提返？條撚樣老鬼當我地班freshmen係狗咁玩，唔打佢對唔住自己啦！」

傻強講到手舞足蹈：「果陣，我一下上勾拳打到條撚樣飛天，全場呆撚哂，我就頭也不回咁離開！」


「係啦最型係你啦！」



大家都有各自既理由黎到暗hall...

但係，椰奶同阿豪佢地既理由又係咩呢？



「咦...」

chantal拍一拍我：「新地...果個係咪...？」


「呃...係...阿純？」



坐響餐廳角落既阿純，自己一個對住眼前既野食影相，身旁仲有部macbook


「嘩佢一個人食咁多野？」

chantal數住阿純面前既餸菜：「成...六碟喎...」



我諗返起之前上堂巧遇阿純，佢好似係寫緊啲介紹野食既文咁


「你地識果條女架？丫又幾pure幾true喎！丫好痛！」 

傻強色迷迷咁望住阿純既同時，即刻比嘉桓打左一下頭頭


「又掛住睇女..」

嘉桓再問：「係喎，你地識佢架？」


「佢係...我地ocamp啲組mate黎既...」

我答：「不過佢係好cool果啲人黎...」


「係囉，其實我都無乜同佢講過野」

chantal難為情地苦笑



阿純一路食，一路響macbook上面打字



「佢搞咩呀...」傻強食住串燒問


「我之前上堂見過佢..我響度寫緊野，中間仲夾住啲野食既圖」

我回應返傻強：「我懷疑佢...係果啲寫ig page果啲foodie黎」