無啦啦有三條女同左我一齊住: 36

「喂，新地...」

到臨訓果陣，又輪到阿豪


「做咩呀？」


「你...你...」






聽到阿豪講到口吃咁，我都估到咩事


「你知唔知marie會去邊呀？」



「唔...唔知喎...」







「...都啱既...佢應該都係去睇Alexandros架啦....」

阿豪苦笑


「Alexandros..係咪果隊band呀？」

記得上次，marie推介過呢隊band比我聽







「係呀..咦你又知既...」

阿豪表情變得肉緊，坐到我身邊


「唔唔唔唔...唔係....上次我溫緊書，咁啱同佢傾多幾句，佢咪介紹下佢鐘意啲歌比我聽囉..」

「哦...」

再講我驚阿豪斬死我







「但...你唔諗住同佢去睇咩？」


「....下？」

屌咩，阿豪無諗過架？



「你...咪問下marie，係咪會去睇Alexandros，係既話咪...話自己都有興...」



「我...」





阿豪嘆一口氣：「點開口呀....」


「咁你...搵我傾都無用架......我a0喎...」



「唉....」

阿豪少有地苦惱

但係，你搵我傾...都無用架.....








「唉...唉...」

話咁快，就去到我考第一科既日子


「你做乜春姐...？」

椰奶響我對面轉緊珠


「唉...一陣考試啦」

話哂都係第一次響大學考試，所以我都有啲緊張





 
「唉放鬆啲啦你」

椰奶竟然開口鼓勵我：「捱埋佢，咪大家一齊開開心心旅行囉」

一講旅行，又諗起chantal


「唉....！！！！」



「好煩呀你，死開啦！」

椰奶將我推開：「有咩要煩，考完試先煩啦！」



「....」


椰奶都講得啱既，收拾心情

有咩煩，考哂試再煩啦



雖然我數學真係麻麻，但多得椰奶教左我幾招

都叫識做多過一半



「喂椰奶，識唔識呀？」


「緊係識啦仲駛講既...」

椰奶淘氣叫道：「你呢？頭先咁緊張，寫唔寫得出呀...」


「有你之前教過我...都叫識做啲既」


一聽到幫左我，椰奶即刻叉起雙手

「咁得啦，到時去日本請我食野！喂我夠鐘返工，走先bye！」



屌...又想呃飲呃食....



「喂！新地！」

好耐無出場既肥成同阿琨走到埋黎


「咩...咩事呀？」


「頭先你地講咩去日本呀？」



仆街，咁都聽到！？



「咪...咪....」


「你係咪溝左佢呀？」肥成嬲到好似自己條女比我溝左咁



咁既話遲早奶野...

「我...話時話，肥成你住左hall成個sem溝到女未呀！」