肥成一聽到即刻口吃

「咩...咩呀?我冇..冇target之嘛!」


「條友仔有target架啦,但係果條女唔受溝之嘛!」

阿琨一見我笑肥成又加入埋戰團:「上次送哂朱古力都無回音知咩料啦哈哈哈哈!!!!」






「真係架屹屹屹屹!!!!」


肥成比我地激到紅都面哂

「屌你屎忽咪撚笑啦!!」



「楊城琨!」





一個紫薯色長髮既女仔,企正響火車橋前面


「阿...包!?」

佢,就係阿琨條女阿包?

係幾靚女既,但同時,塊面都係包包面






「仲掛住吹水!快啲行啦!」

阿包暴力地拉住阿琨行


「呃sorry呀我應承左阿包去佢個hallmate生日party呀,走先啦!」

就咁睇個樣,阿琨似乎比阿包食住



我見狀,亦乘機走人,廢事比肥成繼續追住問

「咁...我都走先啦bye!」







「喂!喂!」


「ok time's up!put down your pen!」


隨住考官既呢一句,即係宣佈



我既sem1,終於要完結







「喂考成點呀!」

一出試場,椰奶就即刻搵我


「ok啦,但係最尾果題唔係好sure...」

我再問:「我地係咪...最後考完既果幾個呀?」


「係呀...其他人前幾日考完啦」

椰奶打住喊露:「快啲返去執喼啦,乜都未放呀!」






「嗯....」



一返到暗hall,成個common、大廳都係喼同啲衫褲鞋襪


「喂肥昇,我件反社會社會會tee呢?我飲衫黎架!」larry問

「屌我撚知咩!」肥昇自己都一手毛巾


「愛雯村,知唔知果邊幾多度呀?」阿純問





「我記得上年...都係10度以下咁囉」愛雯村放緊化妝品入佢個粉紅色喼


「唔係呀..咁咪要帶羽絨?」傻強r一r頭

「駛唔駛羽絨呀?講真我到時一定t恤行街既」tyson非常自信




「咦新地椰奶你地考完啦?」

chantal見到我地兩個返到就問:「你地都快啲執喼啦!」


又真係,得返一日都無既時間

我同椰奶乜柒都未執


都係拿拿聲返去執算

之前問老豆老母借左個黑色大喼,十幾日...應該夠用掛



「阿豪...有咩要帶呀?阿豪...?」

阿豪正一臉苦惱上緊啲日文網


「阿豪你做咩呀?」


「我...睇緊邊度有得買黃牛飛...」


「黃牛?!」

我慢慢記返起,幾個禮拜前





阿豪走到marie前

「marie呀...」


「嗯做咩呀?」


阿豪開始口吃,手心標汗

「你...到時係咪諗住睇alexandros呀?我記得佢地12月24號有live...」
一講到呢度,marie成個樣轉哂

「...唉....我都想去呀...最弊唔中呢...」



「唔中?」


「係呀...fanclub又唔中,上啲賣飛網又禁唔到...」

marie扁起小嘴:「睇黎都要下年先見到啦...」



「所...所以你依家..就搵黃牛飛!」


「無錯...搵左,到時響東京就同果條友trade...」

阿豪由頭到尾都無望過我:「雖然貴成四倍....」


估唔到,阿豪都真係開始行動

到底佢同otto,邊個會追到marie呢?


定係,兩個都收皮?
已有 0 人追稿