逃離科興末日: 一

「呀呀呀呀呀呀呀... 」隔離班屌晒鬼，唔知做乜鳩。

「有喪屍呀呀呀呀呀呀... 」

「唔使驚嘅。」麥sir嘗試安撫我哋。

阿兒無啦啦衝咗入嚟:有人... 有人打咗... 科興... 而家變咗喪屍呀！

喂喂喂喂喂... 又亂到唔記得介紹自己添。阿恆，14歲。頭先個阿兒係...





「呀呀呀呀呀呀呀... 」屌，唔講住，有隻喪屍入咗嚟，我即刻救走咗阿兒，爬窗著草。

講返先，阿兒係校花。而又有一條日本妹同佢好似樣，叫京都念慈，而我哋都會叫佢做阿菴，今年因為操行分而冧咗班。而又因為同阿兒似樣，所以都做咗校花。我同阿菴阿兒係朋友關係。

講返正題。我同阿兒一跑到去屯門市廣場中庭，中間有部大電視，長期播住CCTVB新聞台。

「該十七名死者突然變咗喪屍，襲擊人類。交俾王大明講下... 」

17條友變喪屍... 之前打科興都係死咗17件，唔係咁邪呀嘛？





「著草啦仲望。」阿菴同我哋匯合。

「咁去邊度先得㗎。」我問。

「去接咗阿賢先啦。」

呀係，仲有個阿賢，佢係我roommate。

「咁佢喺邊先。」





「碼頭囉木咀，對咗佢咁耐都唔知佢間中學呀？」

「屌，咁點去呀，輕鐵又停咗。」阿兒答阿菴。

「咁咪揸輕鐵囉。」我答

「你識揸咩？」

「玩多啲電車go啦。」

所以話，打機唔一定只係娛樂，有時危急關頭都有可能用得著。

「呀呀呀呀呀呀...」

「仆街，邊個揸我屎忽呀？」阿菴大叫。





「呀呀呀呀呀呀！」阿菴發現有隻喪屍，於是用腳推開咗佢。好彩冇俾喪屍咬。

「屌！」我同阿兒不約而同咁叫咗一聲，再扯住阿菴跑過去輕鐵站。

「屌你老母啲車死撚晒去邊呀。」阿菴又大叫。

「冷靜啲。」阿兒同阿菴講。

而我發現啲喪屍好多都好鬼咸濕，大部分都係昅住女仔。睇下，嗰邊又有一隻。

「收皮啦」我一腳踢開咗佢，再沿住輕鐵路軌跑到去安定邨。

「我... 我要見到阿賢呀... 」阿菴已經跑唔郁。





「冷靜冷靜，唔好咁激動。」阿兒不斷安慰佢。

「咁... 不如Wts佢叫佢過嚟？」我提出一個解決方法。

「唔使啦... 不如喺度等506去碼頭啦。」

「都冇車。」

「咁咪揸車過去。」

「你識揸咩。」

「玩多啲GTA啦。」

「吹呀，繼續吹。」





「唔信呀？」

「就係唔撚信。」

於是我喺停車場搵咗架Toyota載住佢哋揸去接阿賢。

路途上，啲喪屍喺咁咬人。當然唔少得視姦阿兒阿菴。

大約揸咗廿分鐘到，就到咗阿賢間學校。

「阿賢呢？」阿菴問。

「快啲開車呀... 學校有人打咗科興... 而家周圍咬人呀！」阿賢邊上車邊恐慌咁講。





「而家開而家開。」

基於我個牌係喺GTA度考嘅關係，基本上都係地板油咁去。中途仲撞死唔少喪屍。

再揸多4個字，就到咗屋企樓下。