詠:「嘩,你又同曉彤佢瘋狂send message呀?」
我:「係呀…同佢講我上堂…佢上緊菜,話碟燒味拼盤啲叉燒好燶,海蜇又得好少佢唔知食乜好…」
詠:「你哋真係好無聊。」
我:「男女朋友唔係咁嘅咩?妳同一鳴又點…」
詠:「好耐無做呢啲嘢,盞搵架嚟嗌。」
我:「係呀…如果曉彤問妳我係咪同妳坐,麻煩妳同佢講想問我數所以先同我一齊坐啦。」
詠:「使唔使呀!你睇下你而家,搞到人唔似人,鬼唔似鬼咁。」
我:「妳估我想咁嘅咩?咪又係妳哋…」
我想講佢以前都攪到一鳴黐線咁滯,而家做乜又嚟話返我轉頭,但我講唔出口。
詠:「為咗做愛啫,抵咩?」




我:「妳唔好咁樣講啦,Wing…」
詠:「雖然我唔知你點解同佢一齊,但你真係有咁鍾意佢咩?」
我:「鍾意…就實有嘅,我唔知點先叫夠鍾意,剩係知而家好難捱…」
詠:「做愛做到厭嗱?」
我:「哎呀…妳唔好咁話我啦…都唔係重點。」
詠:「玩勻晒三個⬛未?」
我:「兩個啫…我唔好啲奇怪嘢。」
Wing係淫我當然知,不過係估唔到佢直接到咁。
詠:「捱唔到落去咪分手囉。」
我:「咪玩啦,臨考試前分手,死人冧樓㗎,我唔想六國大封相,盞整死自己。」




詠:「好心你兩個唔知道係咪適合對方,唔知道自己有幾鍾意大家,就相處耐啲先,何必咁心急喺埋一齊呢。」
呢個Wing識話我但又唔識話佢自己,而且…我呢度嘅情況又邊度有得我揀呢?而且我相信我同初音妹妹佢相處咗年幾一直都好舒服所以先深信唔會有問題,點知…而家變咗事實邊有得返轉頭。
我:「唔係我想咁㗎…係一時陰差陽錯…」
詠:「然後就忍唔住⬛咗入去?」
如果真係要忍曉彤對我嘅誘惑,我係應該忍到嘅…但嗰一刻我係俾佢強姦,我唯一可以選擇嘅就係事後對唔對佢負責任,而咁啱女神對我無留戀。
我:「類似係咁啦…妳唔好再問我,而家先發覺有問題已經太遲,返唔到轉頭。」
詠:「好心妳嗰陣就應該意識到會有呢啲問題,準備好點應付啦。」
我:「吓?呢啲嘢咁突發,我可以點意識喎?」
詠:「曉彤一早對你起晒痰,如果你可以早啲確定自己嘅心意,又點會無端端移情別戀?」
我:「吓?有無咁嚴重呀…佢對我…」




詠:「係你自己溫女神溫到成個世界好似得返你兩個咁,醒下啦,知唔知學校入面有幾多男仔睇你唔順眼當你眼中釘,又有幾多女仔睇住你做兵咁無微不至而羨慕女神,唔止曉彤一個㗎,我肯定有其他女仔對你都有興趣。」
我:「唔好喇掛,而家我已經夠煩,想一個人靜靜地溫書都唔得…但有無咁嚴重呀,曉彤佢…雖然我都唔知。」
喺我心入面曉彤鍾意我嘅唯一原因就係佢亂打亂撞撞破我嘅好事而成為初音妹妹,佢以前平時喺學校嘅嘢我又無乜點理過,但呢件事唔可以講出嚟。
詠:「問你吖,當你重係詩敏隻兵,如果佢有咗男朋友,但佢男朋友唔惜佢,玩完佢就話分手,咁你會點吖。」
我:「我會好嬲,如果唔使坐監我一定打死佢。」
詠:「而曉彤佢咪就係睇住自己鍾意嘅人日日俾詩敏玩囉,嗰陣唔止佢,其實好多女仔都覺得詩敏佢扮晒嘢,收得兵又要扮矜持,而家俾以前好姐妹搶走自己隻兵都覺得佢抵死…」
我:「無咁嚴重呀…」
詠:「實情係點就得你哋先知,不過曉彤今年開始無同過詩敏一齊玩,而你就閃電咁換畫,你估出面啲人點睇吖…我唔知曉彤對你做咗啲乜或者佢有幾鍾意你,但成件事畀我嘅感覺都唔係太好。」
我:「不過而家都以成定局…」
詠:「分手囉。」
我:「都話而家唔可以…」
詠:「話咁快就考完試啦。」
我:「就算分手…我同詩敏都唔會返去以前咁…」
詠:「同一個女仔喺埋一齊或者分開唔係因為其他女仔點點點㗎,如果你係因為女神唔肯同你一齊而貪就手同曉彤拍拖我都覺得你好仆街囉,抵曉彤成日發你脾氣,你慢慢受吧啦。」
的確,我本來就唔係話特別鍾意曉彤,就算用初音妹妹比,我對女神嘅心意都係重好多,只不過係我當時唔忍心睇住曉彤受傷,而女神又對我無留戀…所以,我究竟喺度做緊乜?




我:「如果我哋分咗手,到中六嗰陣我應該又會成為全校嘅笑話,實無女仔敢黐埋嚟…」
詠:「唔係幾好咩,可以專心讀書。」
我:「講就咁講啫…」
詠:「你唔捨得無愛做咋掛?」
我:「唔好咁直接啦…都唔止剩係做呢樣嘢嘅。」
詠:「你呢啲有錢仔搵PTGF解決咪算囉。」
我:「Wing姐有好介紹?」
詠:「你呢啲咁高要求好難介紹畀你喎。」
我:「其實我無乜要求…正正常常女仔,可以間唔中陪下我…唔好炸我電話,唔好係咁要我覆message…可以唔使好多嘢講,會靜靜地喺我隔籬睇住我溫書…如果可以拖下手或者抱下就好好…」
詠:「咁簡單?」
我:「唔敢要求太多,怕咗女人…」
詠:「OK喎,如果到時我無男朋友你請我啦,呢啲筍工交畀我就得。」
我:「唔好玩我啦…師姐…我就嚟要轉校㗎喇…」
詠:「哈哈,終於明你點解做兵做得咁開心。」
佢講得啱,我做詩敏兵嘅時候真係好開心,每日又有得抽,雖然真係好難中,間唔中初音妹妹又會搵我,就算唔見面chat下鹹濕謦都好過癮…曉彤,點解妳唔可以好似以前咁樣,唔通我同妳做完愛我就要變到完美無瑕?




唉,總之呢段期間我乜都忍住先啦,繼續一齊又好,分手又好,考完試先去諗,我唔可以俾啲兒女私情影響到自己嘅將來…
好在曉彤溫書都忙到爆唔得閒成日chur我,不過我哋一齊嗰陣其實都難言開心,可能溫書壓力大,可能我真係做得唔好,又或者佢已經習慣咗,所以時不時都黑面;我有諗過係咪佢其實唔太鍾意我,只不過覺得同詩敏搶玩具覺得過癮,得到手之後就無咗個心情。
復活假放一個禮拜多啲,我同曉彤只係做過一次愛,唔知佢係唔多想定點喇,咁我覺得無乜所謂嘅,做過愛之後已經唔覺得呢件事有乜特別;話時話以前初音妹妹次次都會吞晒我啲⬛,但一齊咗之後佢好似唔多鍾意同我用口,而且一次都無再吞過,我唔敢話佢變…
然後係考mock,忙到無時間諗其他嘢,好快就到咗最後一日考oral,朝早考中文,晏晝考英文,好快就輪到我考完,三點都未夠,咁我點都要等埋曉彤嘅,話晒考完mock咪同佢慶祝下囉,而且重要同佢夜晚去補習。
如果唔係同咗曉彤一齊,我諗我同女神嘅第三日…
文:「喂,咁啱呀!打唔打下波?」
畀返個名佢啦,佢就係同我一齊打波嘅同form隊友,讀文科班嘅,我同佢嘅交集唔算好多,就係team友以上朋友未滿嗰種,喺學校我哋都會交流下嘅,私底下就唔多搵大家;佢當然好清楚我啲花生,但唔知係出於禮貌定真係無興趣,佢從來唔會提我啲嘢,就算之前睇住我同詩敏日日耍花槍佢都唔會理。
我:「雖然考完mock啫,咁得閒去玩?」
文:「唓,我就唔信你廿四小時都溫書呀,做下運動放鬆下個人都精神啲啦,今日差唔多last day㗎喇,又咁啱星期五,啲師弟約咗我去一齊玩,你都嚟啦!」
我心諗喺度等曉彤無所事事都係溫書,而考完mock又真係想抖下,打一陣波無嘢嘅。
我:『曉彤,考完就message我啦。』
去到禮堂,幾個月無打過波之後攞返起塊球拍,呢種感覺真係好開心,雖然衫都無換,但可以發洩一下啲精力真係好舒服。
不過我係有啲顧忌嘅,所以我每隔三五分鐘就會check一check部手機有無message,如果唔係十分鐘以上覆唔到佢就可以蒙主寵召。
點知打咗一陣之後有一個人都入咗嚟,重要換埋衫添,就係詩敏…不過佢無理過我,望一眼都無,然後就去咗搵啲師妹…咁唔關我事嘅,又唔係我約嘅,中間又隔咗成大個場。
我真係咁諗㗎;點知…




彤:「志華!」
已有 0 人追稿