我:「我份人…無咁暴力喎,同埋我唔覺得妳會俾男仔整到喊得咁慘囉,妳似係…會喊住咁騎上個男仔身,然後施暴…嘩!痛!痛痛…」
佢兩隻手指捏落我塊受傷的小面度。
詠:「睇你重敢唔敢亂講嘢?」
我:「無亂講,真係施暴…」
詠:「如果我真係喊足成朝咁慘呢?」
我:「問過妳先囉,妳叫到我實打扁佢。」
詠:「唓,要叫先識郁,都唔型嘅…」
咁佢今朝又真係幾型嘅,成個古惑仔去對家踢竇咁,一言不合就開拖。
我:「知妳EX型到跌渣喇。」
詠:「哈哈,有時佢又真係幾可愛嘅,好可惜我睇唔到呢個咁震憾人心嘅場面。」




我:「妳係嚟安慰我定挖苦我㗎…重痛緊呀…」
女人心真係宇宙針,難以理解,不過次次同Wing謦欬都係非常舒服,全靠佢我先度過咗呢個傷心孤寂嘅lunch hour。
到咗放學,本來想極速閃人避開全世界,點知鐘聲未響就有個訓導主任企咗喺門口…
唉,傻嘅都知係嚟搵我;果然一打鐘就叫咗我落會議室,我心諗…我犯咗邊條校規?
訓:「志華,今朝係咪一鳴打你?」
我:「無呀,我哋無打架。」
訓:「唔係話你哋打架,咁你塊面做乜?」
我:「無事呀,我哋排練話劇,一時失手啫,只係少少身體碰撞。」
訓:「可唔可以講真話?」
我:「無講大話喎,如果佢真係打我,我重唔打返佢咩?我哋真係無嘢。」




訓:「咁另外,同埋…算啦,無嘢喇,放學啦。」
一睇就知佢想問我曉彤嘅嘢,但兒女私情…唔係要輪到你哋嚟管呀…
橫掂落到嚟教員室,醒起重有一樣嘢係要做嘅,就係搵Econ Miss drop科,唔係我唔想讀,但我真係唔想同曉彤身處同一間課室,避免佢唔開心同埋尷尬,只要我能力所及嘅事,我都會盡可能為佢做。
理由都係嗰啲啦,上年已經考咗個D返嚟,A level唔會再讀Econ,想攞啲時間嚟溫其他主力科;我唔知佢知唔知我背後嘅原因喇,總之佢批準咗我聽日開始唔使上堂,到時報名考CE就隨我take唔take,嗯,我覺得呢個安排幾好;因為我話過我要攞高十分,少一科難度提高好多。
點知一講曹植,就七步成…
林:「喂!咁急趕住去邊呀?」
我:「Miss Lam…做乜…」
林:「有嘢做咩?」
我:「無呀。」
林:「咁跟我嚟啦。」




睇嚟真係全校通晒天,不過事已至此妳而家搵我又有乜嘢用?唔係走嚟鬧我呀…我真係喊埋一份㗎。不過對住佢我又真係無反抗嘅能力,呢個女人嘅魅力係可以叫我死去活來;再一次經過校員室後面條路去咗停車場,上咗佢架Fairlady。
希望無人睇到啦…點知一出學校…
我:「Miss…妳…受咗乜嘢刺激呀?」
短短一段燈位路都同我開到二波,妳唔好同我講啱啱under 50 kilo呀…
林:「呢啲車係攞嚟咁開㗎嘛,坐穩啦。」
我:「我會唔會死㗎?使唔使寫定遺囑…」
林:「點呀?你係咪有身家分畀我?我剩炒你嗰邊囉。」救命呀,佢果然係惡魔之淑女。
我:「打個電話畀女神啫…」
林:「真係抵你俾一鳴打到仆街。」
我:「係抵打嘅…我已經無能為力。」
Miss Lam佢上到高速公路繼續左穿右插,無事無幹喺香港嘅馬路開到三波,打機我就試得多,真車就真係…行下行下落返細路,咦,飛鵝山道?
我:「Miss妳係咪要推我落山喇?」
林:「你好似好想死喺我手上咁喎。」
我:「死喺妳手都好過俾一鳴打死嘅。」
林:「唔好講嘢喇,我要專心揸車。」




入到山…咁佢又未至於揸到頭D咁嘅,但一個女人敢入山路我覺得已經好犀利,揸得呢條路都只有一個地方去嘅啫,大約半個鐘到我哋已經到達目的地,飛鵝山觀景台。
我:「Miss Lam,我哋嚟呢度做乜?」
林:「你係咪廢話呀?上得嚟梗係睇風景㗎啦。」
我:「我都知唔係嚟跳崖,但做乜無端端要上嚟睇風景?」雖然我老竇無佢老公玩車玩得咁癲,但呢度我細細過都嚟過嘅,真係幾靚。
林:「嚟散下心囉…」
我:「多謝…其實我無嘢,本身我諗住曉彤醒返之後都好可能會變成咁…只係佢唔記得咗啲嘢,我哋先過咗好開心嘅幾個月…但係原來…」
林:「家陣我嚟散心得唔得呀?」
我:「Miss妳唔開心?俾學生激親?」
林:「啲學生何德何能激親我吖,係咁簡單就好。」係嘅,學生俾妳嚇親就有份。
我:「咁妳做乜車埋我上嚟…」
林:「因為除咗你我已經無人可以講嘢。」
我:「吓,點解呀?」
林:「日日返學放學,又結埋婚,重可以有乜朋友吖,先生呢行好煩㗎,個個同事都好假,唔通我求祈捉個阿sir嚟謦心事咩。」
我:「好似…都唔係唔得吖。」
林:「咪搞,我唔講邊個喇,今日先有兩個低B阿sir,將佢哋聽返嚟有關你今日嘅花生,喺教員室入面眉飛色舞咁上演一次,成班嘻嘻哈哈咁笑,諗起就嘔心。」




我:「咁都無辦法嘅…我哋幾個又真係離譜咗啲,喺背後俾你哋笑…都預咗。」
林:「喺學生面前扮到溫文爾雅,翩翩君子,背後就攞你哋嚟玩,真係好討厭。」
我:「可能返工壓力大掛…」
林:「你第時最好唔好做先生呀,好容易做到唔知自己做緊乜,人唔似人,鬼唔似鬼。」
我:「Miss返工…遇到好大困難?」
林:「咁又唔係,我都唔理人哋嘅;係呢,你以後喺學校點過呀?」
我:「我?咪又係咁…開唔開心都係俾人講慣,由得佢哋啦,我專心讀書算。」
林:「咁曉彤佢諗住點?」
我:「唔知,但我無嘢做到,佢叫得我消失,我只有聽佢話…係我唯一可以做嘅嘢。」
林:「你唔鍾意佢咩?對佢唔好咩?過咗去嘅咪由得佢過去囉,做乜咁決絕搞到大家咁。」
我:「我諗…佢容忍唔到我心入面有第二個女人掛。」或者…如果我琴日喺佢樓下答佢心入面已經無詩敏,就所有嘢都會唔同晒。
林:「真係細路女。」
我:「咁我哋的確係細路嚟吖…」
林:「一鳴呢?你又由得佢?」
我:「成件事…唔可以同佢講㗎,就算佢肯保守秘密,我都唔想講,我寧願佢憎我都好,都唔想佢對曉彤有偏見,難得佢哋可以同班,有個friend做照應都好吖,我諗咁樣曉彤會開心啲。」




林:「俾人打都可以咁諗,真係服咗你。」
我:「佢為咗曉彤先打我啫,雖然一鳴有時係傻kai kai(凱),但作為朋友都係有品質保証嘅,曉彤有佢睇住我都安心啲。」
林:「你就真係傻kai kai…」
我:「是但啦,最緊要曉彤唔好再睇唔開…」
Miss Lam喺個司機位度側身烏咗埋嚟,攬住咗我…唔止咁…重惜埋落我個嘴度,用條脷撬開我…剎那之間我心慌意亂,完全唔知發生乜嘢事…Miss Lam妳搞乜鬼,雖然佢成日都神神化化,但我覺得佢心入面係有正經嗰一套,所以從來無預計過會發生啲咁嘅事…明明我係諗住今日開始摺埋自閉,點解偏偏啲女人…我成個身都僵硬咗,第一次接觸成熟嘅女人身體所有機能當機,只係識呆咗擘大個口得個窿,等佢條脷插入嚟…我唔敢畀反應,而佢條脷就喺我口入面翻嚟覆去,就算我唔郁都好舒服,惜嘅技巧唔係曉彤或者詩敏可以比擬…條脷尖就好似賦予咗一個獨立嘅生命喺入面咁,識得挑動我嘅靈魂同侵佔我嘅身體。
惡魔之淑女…妳…想點…
已有 0 人追稿