QQ500k釋出

返到民宿七點多啲,喺canteen坐低一陣已經有晚飯食,係好傳統嘅日本平民料理;海帶味噌湯,燒鯖魚,煎蛋卷,肉片炒菜,豆腐醃蘿蔔水草漬物,水果當然係沖繩菠蘿;講真味道就…係似阿媽煮嘅,無咗出面食嗰種味精醬料混合物嘅快感,應該算係好健康,好在勞碌完一日就食乜都咁好味;對我哋嘅運動量嚟講份量唔算多,唯有靠白飯味噌湯任裝搭救啦。
如果日日都係咁,女教練嘅身型可謂指日可待;詩敏而家已經好fit,如果再upgrade就…嗯。
食完晚飯我哋就各自返房;其實之前我同一鳴謦過嚟到呢度好似宿營咁係咪夜晚要搵啲嘢玩下,Truth or dare?非洲話事啤?大話骰?但…好似點都有啲唔自在,十足十玩出事嘅前奏咁,我哋都唔太知曉彤佢點諗,都係安全為上;與其四條友玩衛生斯文飛行棋,倒不如返房抖下算。
詩敏沖涼先,我就坐喺馬桶上面陪佢,唔係唔想一齊沖呀,而係呢度啲民居浴缸短到近乎正方型咁;日本人有樣怪,好鬼鍾意浸浴,寧願起到個浴缸超細都唔會整企缸;我咪俾佢浸下囉,無理由要佢重迫過喺佢屋企咁同我一齊沖。
當然,我會伸手揸下佢對波,玩下粒lin,佢又會哄過頭埋嚟嘴下我,咬下我條脷咁;呢啲嘢就大家都明,最神奇嘅係嚴格嚟講我同佢只係拍咗一個月拖都未夠,但已經好似老夫老妻咁嘅感覺,我唔知係好事定壞事,好似無咗啲新鮮感,但其實所有新鮮感已經喺我哋以前用一種更特別嘅方法享受咗;嚟到而家我哋唔會嗌架,好識同對方相處,從來無懷疑過我哋呢段關係,可謂充滿信心。
詩敏沖完到我沖,佢就出去吹頭抹身,我當然就要泡下女神浸完嗰缸污糟水先啦;其實點會污糟吖,浸完成日咁乾淨嘅海水又曬咗太陽,皮膚變得乾爽滑溜,係要平衡返啲鹽份啫。
出去見到詩敏坐咗喺張床上面㧻電話,全身只係著住一條灰色超短棉褲,即係類似PE褲方死人哋睇唔到自己忽pat肉嗰啲,而我就兜咗去佢後面坐,攬住佢條腰又逗下佢對波咁。
我:「嚟到呢度重顧住玩電話?」


敏:「唔係啊,我睇緊我哋而家喺邊咋…」
對於呢幅離島地圖,我已經睇過不下過百次,熟悉到如果喺地理卷出現都可以填返啱晒。
敏:「睇嚟你為咗今次旅行做咗好多準備…」
我:「為咗我嘅女人,點可以馬馬虎虎呢?」
敏:「其實…我都未嚟過日本,喺市區行已經可以好開心㗎喇。」
我:「哈哈,但我同一鳴…一早就行到厭吖嘛。」
敏:「你哋玩啲咁貴嘅嘢,我邊負擔到喎!」
我:「詩敏,都話咗妳肉償就得…」
我伸咗隻手入去摸佢下體,嫩滑有致嘅一塊肉。
敏:「認真呀!我畀你屌有乜所謂,但係咪屌完會變到錢出嚟呀?唔係吖嘛!」


俾佢咁樣一講,本來捽緊佢嘅陰蒂嘅中指都停低手,的確我無可能長期靠敗家養女人。
我:「我都係想妳玩得開心啫。」
敏:「係就係好開心,但咁樣心態會唔平衡㗎!我唔理呀,你返到香港要同我一齊慳錢,剩返落嚟嘅暑假唔准再做無謂消費。」
我:「聽晒妳話,剩係食車仔麪又點話。」
敏:「唔得呀,暑假咁得閒做乜要出街食喎,我哋買定啲蝦子麪米粉水餃上你屋企煮啦。」
妳上嚟同我一齊煮就當然樂意之至啦,食乜都咁開心;但我又喺度擔心如果Tiffany扭我請食雪糕點算好,一杯乳酪雪糕嘅價錢都差唔多夠買大半碗三餸車仔麪,詩敏會唔會殺咗我?如果我因為詩敏唔請佢食佢會唔會好傷心…
我:「好呀,咁妳多啲上嚟,然後我哋就可以…」
敏:「喂呀!成日就喺度諗衰嘢…」
我:「我正人君子嚟㗎,純粹配合返妳呢個小魔女先自甘墮落…」認真㗎,至少做兵嗰陣。
敏:「今日玩咗咁耐,你唔攰咩?」


我:「當打deuce都要㗎,睇需要啦。」
詩敏攬住我嚟惜,點睇佢都係想要嘅。
敏:「等陣。靜少少…」
我哋聽到有啲低沉嘅碰撞聲音,詩敏黐埋自己隻耳仔去埲牆上面,名符其實嘅隔牆有耳。
我:「聽到乜呀…」除咗嗰啲重有乜吖…
敏:「你又聽下咪知囉。」
佢叫到咪聽下,係曉彤嘅呻吟聲。
我:「做乜要偷聽人哋做愛喎,唔好咁衰啦。」
敏:「我唔係你呀,平時邊有機會聽到曉彤佢…」
我:「個個女仔都係咁㗎啦…」
敏:「想聽下同Wing嘅描述係咪一樣吖嘛,可能唔同女仔會有唔同嘅服務…」
畀著以前我都會覺得女神係俾淫Wing教壞,但原來妳都係出類拔萃嘅小魔女,真係好難想像得妳哋兩個嗰陣會喺度謦埋啲乜,一定好biology。
過咗五分鐘到,啲碰撞聲消失咗。
敏:「嗯,睇嚟完事了。」
對於佢嘅百厭舉動,我都唔知講乜好,本來頭先精神奕奕嘅小兄弟亦都已經休息緊。


我:「嗯…咁妳…」
敏:「我先唔要俾人偷聽呀!」
我:「妳唔叫出聲咪得囉。」
敏:「不如試下敲下埲牆睇下會唔會有反應?」
我:「哎呀,唔好玩啦,阻住人哋纏綿無陰功。」
敏:「我又要抱抱。」
其實又唔一定要做愛嘅,以前忍到咁都得啦,做少一晚好閒啫,可以攬住佢瞓對我嚟講比較重要,而我哋又真係好攰…好攰,結果十點未夠就瞓咗,從來都未試過旅行咁早瞓。
「啜,啜,啜…」有個女人不停惜我。
我:「嗯…詩敏…幾點呀?」
敏:「唔知呀…兩點幾掛?」
我:「嗯…zzz…」
唔止啜嘞,有人玩緊我粒龜頭…
我:「詩敏妳想要?」
敏:「唔係呀,頭先發夢去旅行,興奮得滯又醒咗咋嘛,瞓唔返。」
我:「唔使發夢,妳而家真係去緊旅行…」


第一次出國旅行我諗佢真係好興奮,就好似我同佢頭三日拍拖咁,呢啲感覺實在係可一不可再,不過當然我而家同佢一齊都係好開心。
敏:「不如我哋出去行下?」
我:「呢度乜都無㗎喎,便利店都無。」
敏:「我想出去睇星呀,今晚無月亮。」
其實我知道佢唔想放棄喺呢度嘅每一分鐘,所以就算我睡眼惺忪,都決定起身同佢出去行下。
我:「吓…妳就咁出去呀?」
敏:「有乜所謂喎,都唔會有人㗎啦。」
佢重係著住條灰色褲,上面加咗件遮唔到腰嘅白色吊帶背心就算,Bra都無帶飛晒釘咁,件衫短到個波底差唔多跌出嚟。
我:「妳想學沖繩妹自由奔放咋?」
敏:「我又唔介意嘅,驚人哋唔好意思咋嘛。」
咁又係呀,好似Tiffany呢啲睇到妳咁,點會唔懷恨在心講妳壞話喎。
雖然出面無人,但蚊總係會有啲,所以都要噴噴。
我:「落返去沙灘睇星?」
敏:「呢度太近條村,都會有啲光,我見…地圖上面有個觀景塔。」
我:「哦,妳講嗰個,要行十分鐘到,我帶妳去啦。」半夜黑鬼鼆鼆,重要係山路嚟,畀著其他女仔我都會勸退佢,但呢個係詩敏當然OK。


我哋慢慢行出條村,好快已經越嚟越暗,都唔使去到乜觀景塔,抬頭一望已經係滿天星海。
跟住我哋上咗一小段山路見到個觀景塔,係一個兩層嘅建築物,中心位置有一個旋轉樓梯畀你行去上層,不過真係好暗,又懶得開電話電筒,所以要蝸牛咁逐級摸住慢慢上。
已有 0 人追稿