《我用比特幣追尋上世失去了的她》: 序章

11月的冬天,萬物枯萎,我的愛情也一樣......

我叫吳專壹,今年26歲。

在一間國際大公司中的香港財務分部做一個文員,月入1萬8

可能因為人工太低,咁多年來都冇女朋友

唔係,有一個人,應該只有她才願意跟我一起



但我仍是抱著守株待兔的思想,相信終有一日會有女孩被我吸引,主動投懷送抱

「沒有得你的允許,我都會愛下去……」手機播着謝安琪的鍾無艷,提醒我有電話

「喂,請問你係？」我問

「張志彬呀,聽晚中學有個舊生聚會啊!」

張志彬……我嘅中學老死,DSE中文5**,其他都係U
「佢去唔去？」我問



「去掛。」張志彬說

至於佢係邊個,我可以話你知,佢係我生命中一個重要嘅女人

佢叫阿澄。

「你仲對佢念念不忘？」他問

「我都唔知」我沒有否認



「唔使做呀,返工時間傾電話？」我的老姑婆上司走過來問我

「考慮下」說罷我便掛斷電話繼續工作
 
舊生聚會……我一邊工作一邊想着
 
那天回家後,我從那個放滿中學物品的紙箱中找出那幅封塵的舊照

照片中有張志彬、我和幾個與我出生入死的好兄弟

當然還有「她」

第二天早上,我依舊從深水埗到上環上班



沒錯,我住在深水埗

不過並不是劏房,而是兩房一廳的小窩居

這房子我已經住了二十年

老頭子3年前死後留了給我

之後就跟老母相依為命。

放工後,我約了張志彬一起返中學

始終一支公自己返好似唔係咁好

入到學校後,我留意到有一個女仔望着我



冇錯,的確係佢…阿澄

我跟她曾經係受萬人祝福的情侶...唉

但因為她的父親與阿聯酋油王有生意來往

為了能進一步鞏固自己在金融市場的地位

他不理一切,也要他的女兒嫁給那個油王

而我跟她,也不情願地被逼分手

這個就是我跟她的故事......



一個傷透不少人的心的故事

如果我可以穿越返去2012中四嗰年就好

我一直希望這會發生

當然……這是不可能…吧!

「Hi,好耐冇見。」我走了過去跟她說

「唔…Hi。」阿澄有點沒反應過來

「係呢,你係咪最後都係嫁左去阿聯酋？」我明知故問

「唔…」阿澄不情願地回答我



「唔通佢仲對我念念不忘？」我想着

「你係專壹哥？」這時有個高高瘦瘦嘅男人問我

「你係孖T王？」我問

佢當年同我哋班朋友中左無可能中嘅孖T,當年我哋幾條友用二千餘元做本,之後喺幾乎冇可能嘅情況下中左孖T,每人袋八萬幾

這點我要多謝孖T王ㄧ黃俊偉

傾了兩個幾鐘，我哋就去咗我哋以前食飯聚腳地ㄧ明記

當然我也有叫阿澄一齊去

而佢也答應了

吃過晚飯後,我走了過去問她:「今晚你有冇嘢做？」

「冇,做咩？」阿澄回應說

「食唔食糖水？我請。」我問

「都好。老地方？」她說

她指嘅老地方係指地茂館

一間見證我們倆由朋友發展成為情侶的糖水舖

我們行過去嘅途中，雙方一言不發

直至…

「你呢幾年幾好嘛？」阿澄問我

「幾好啊。」我說

「有你在我身邊就更好。」當然我沒有把這說出來

又是一言不發,毫無交流…

到了地茂館後

「唔該兩碗紅豆沙、一個香蕉船」阿澄竟然記得我喜歡吃紅豆沙

我心中一甜

究竟阿澄還愛我嗎？

這是我多年來的疑問

如果當年並沒有婚約在身,她現在會是我的妻子嗎？

吃過糖水後,我會她聊起了彼此的近況

「我好懷念以前可以無拘無束咁,每一日做自己想做嘅嘢。」她慨嘆

「唔…以前鐘意幾時做乜就做乜,而家…比份糧控制住。」我說

「你今次會留幾耐？」我問阿澄

「聽朝早機就走,返到去又要做一個卑微嘅女人。」她說

在阿聯酋,男尊女卑這問題比古代的大陸還要嚴重

「我走喇,希望遲啲可以再見到你。」阿澄說

其實我知道,這一次,可能是最後一次見到妳

「阿澄,希望你唔好忘記我。下一世我一定要娶妳。」我大喊着

「忘記我,搵一個真正鐘意你嘅人。」說罷,她便走了

「我愛的人,咪就係你囉。」我心裡想著

回到家後,我一直想著阿澄,

「太陽先生,你可唔可以帶我返去十年前,比我重新識阿澄？」我心裡祈求着

雖然我知道並不可能

祈求後,我吃了一粒安眠藥便睡了


睡了不久後,眼睛突然感覺到有光向着我照射

這並不是普通的光

我醒過來,走了出房間

我見到老頭子

「撞鬼呀!」我大叫

「你傻撚左呀？我未死喎。」

「鬼識講嘢呀。」我再大叫

「入廁所洗面啦,晨早流流喺度癲！」

我走到入廁所

發現我的面容年輕了不少

不是，莫非我昨夜成功穿越？

「快啲出嚟換衫返學啦。」老母說

這時的我不敢相信我成功穿越這個事實





（待續）
Follow 我嘅lG：walking_together_in_the_storm