《我用比特幣追尋上世失去了的她》: 第二章ㄧ回到過去，重新認識妳
「得咗喇。我成功穿越返嚟喇。」這時的我比中六合彩更驚喜
「你嗰仔真係溝女溝到傻閪咗。」老頭子對老母說
我走出了廁所
看到那個差不多有十年未見過嘅老頭子
心情嘅興奮又複雜
「早晨啊老豆」我對着老頭子說
他呆着了
這是我自中六老頭子死後第一次同佢講早晨
這個感覺，很特別...
說罷，我便返回房間換上校服
既陌生又熟悉的感覺...
穿上校服後，我便走到客廳吃早餐
這是平常的事
因在另一個時空老頭子死後老母仍有煮早餐
我曾經有想過老母對老頭子嘅離去毫不關心
但原來並非如此
老頭子死後，老母常常在夜晚一個人喊
我係喺上一個時空發現嘅。
見到佢哋兩老喺廳到耍花槍，卿卿我我
我十分懷念上一世嘅情境
吃過早餐後，我便返回學校
「仆街。」我望着手錶心裏道 「仲有兩分鐘就遲到。」
這時我以比光速還要快的速度向學校直奔
但係時間唔等人，仆街Prefect都係
「同學你遲到，過嚟寫報告書。」女Prefect說
「正一臭雞！」我想着
當然我沒有說出來，因為我不想比記過
「我嘅女神啊！我對你日思夜想，比我錫你一啖啦。」我的老死湖酃鐘走過來說
佢喺我遲到嘅救星
每次佢出現，就算遲多十分鐘都唔驚
「變態㗎！」女Prefect 失態地邊走邊叫
「走左喇。」湖酃鐘說
「又差你一個人情...」我說
「都唔爭在啦。」他回答
的確，佢啲人情真係十隻手指都數唔哂
「早晨啊專壹哥。」張志彬說
「柒頭彬，我叫左你幾多次唔好叫我咩哥咩哥幾多次？」我不滿意地問
「都係一句啫。」他說
說罷，我哋當年嘅班主任L Yeung 走了入來
我哋都叫他撚樣Sir
因為佢個樣真係幾撚下
「咁多位同學，今年你哋已經中四，距離會考仲有兩年半。」撚Sir說道
「我希望你哋可以生性，好好讀書，唔好掛住玩同拍拖。」
那時我們未知考評局會改會考為現時嘅DSE
說完後，他帶了一位轉校生入嚟班房
冇錯，那位轉校生就係阿澄
阿澄入課室嘅時候，當然迷倒了不少嘅男生
這當然包括我
「嘩，咁靚嘅女仔我都係第一次見。」那羣狗公在討論着
「大家好，我叫張雅澄，請大家多多指教！」她說
阿澄嗎？
我心中發出春笑
「咁你就坐吳專壹隔離啦。」撚樣說
這時,所有狗公都鄙視着我
這就是女神嘅魔力嗎？
她走了過來，坐在我旁邊
「hello,我叫阿澄，請你多多指教。」她說
「hi,你可以叫我壹哥或者壹爺！」我說
「可唔可以叫你壹仔？」她近距離問我
我頓時心跳加速...從未跳得咁快
「哦...可以呀。」我有點未反應過來
她擺出OK的手勢
真的可愛極了
我吞了吞口水
「係呢，你之前喺邊度讀書㗎？」我問
「英國一間寄宿學校。」她說
英國...高材生才會去的地方
完全顛覆了我的思想
真係一山還有一山高。
我們之後交談了幾分鐘
她告訴我原來她希望在香港讀書
所以才會回港
不久，全校都到禮堂參與無聊的開幕禮
整班以至整級都在討論我和張雅澄
唉...睇黎我要成級嘅公敵
當然我已經知道接下來會發生什麼事
因為我喺從另一個時空嚟
當然我仲未同任何人講
之後的一個月都跟之前一樣
沒有特別，只是有時跟阿澄食飯、温書、上堂
「唔知點解你比我嘅感覺係一個識左我好耐嘅好朋友。」阿澄說
「我同你識左12年喇。」我心想
「我都覺得係。」我說 「係呢，你星期六得唔得閒，一齊去踩單車？」
我把應該係中四暑假先發生嘅事提早咗
「好啊。我都好耐冇去踩單車喇。」她回應
「咁朝早十點半喺沙田站等？」我問
「好啊。」
到了星期六,我早了三個字到沙田站
估唔到嘅係,阿澄已經到了
阿澄今日嘅運動裝
簡直就係完美
唔會太凸顯佢嘅完美身材
而亮點係佢嗰條40吋白滑長腿
唔好意思,有啲變態...
「唔好意思呀,遲咗少少。」我說
「係我早到啫。」阿澄笑道
這笑容,非常純真可愛
我沒法抗拒這笑容
「我哋行喇。」我說
行了幾分鐘,我們倆行到租單車嘅地方
租車場寫着十五元三小時,三十五元全日
當然我也知道老闆的謀計
所以我只租了兩架單車,每架六小時
「我哋行啦。」我說
「let’s go」阿澄興奮地說
這女孩,跟以前一樣,都係天真、單純
我哋嘅目的地係大美督，途中經過城門河、科學園....
踩了兩個多小時，我哋到達了大美督
我哋放低左架單車，坐左喺路壆上野餐
阿澄佢整左沙律
而我整左雞翼
食完之後，我哋開始回程
踩到差唔多城門河嘅時候,有個細路突然間跑左出單車路
媽的
阿澄殺得切車,細路冇被撞到,但係......
阿澄佢炒左車,腳踝受傷了
「你有冇事啊？」我關心地問阿澄
「我隻腳呢個位好痛。」她有點眼淚流了出來
「你呢個位應該要休息番四五日先會好。」我說
「我而家幫手喳啲跌打酒。可能有啲痛,要忍住。」
「唔該晒。」她說道
「呀,好痛呀。」她哭訴
「忍住,好快得。」我說「你行唔行到？」
我真的不知道,因為喺上一個時空阿澄無受傷
「應該得啩。」她道 「哎呀,好痛,抖陣先再行。」
當然抖完佢都係行唔可到
「不如...我...揹你啦？」我大膽地道
「唔使啦,抖多陣就行到。」她說
「上嚟啦,我揹你。」我說
她坐在我的背上
輕盈的身子，完全唔重
「唔該晒。」她尷尬地說
行左個幾鐘後，我哋終於到交還單車嘅地點
「仲有十分鐘就要罰錢，好左咋。」阿澄說道
「係呢你住邊度㗎，我送你返去啦。」我問
「奧海城。」她說
大家千奇唔好以為佢只係中產
因為佢住緊嘅係兩個打通單位
即係四個單位
值幾多，不用我多講吧
我們倆喺沙田搭的士返佢屋企
「咁就洗左我成舊水...」我心裏想道
到達後，阿澄打咗比佢阿媽
佢阿媽都好緊張咁落左嚟接佢
「媽咪,我整親呀。」阿澄對她母親說道
「唔,你有冇事呀？」伯母問
「佢叫吳專壹,係我嘅同學,係佢揹我返嚟架。」阿澄說
「唔該晒你呀呢位同學仔。」伯母說
「唔使...我尷尬地說
「好啦你都攰喇,你返屋企先啦,唔好要屋企人擔心。」伯母說
「好啦我走喇。」我說 「拜拜auntie , 拜拜阿澄。」
說罷,我便回家去
「做咩咁遲先返黎屋企？」老母問
「哦...冇...有個朋友受傷,送佢返屋企啫。」說完,
我便走入廁所洗面
「女仔呀？」老母問
「唔...」我說
「唔好掛住追女仔呀,讀書要緊呀。」老母叮囑我
「知喇」我答
講完後，我便開始沖涼
沖完涼後
“你有兩個未讀訊息”
「今日唔該晒你呀壹仔。」
「下個禮拜一再見。」
係來自阿澄嘅訊息
我心中暗喜
「你隻腳仲痛唔痛呀？」我問 「如果痛要睇醫生呀。」
「我知喇,多謝你。」她不久後回覆
「好啦,都夜喇,我哋星期一見啦。」我回覆
「早抖。」她說
之後我便睡着了
發咗一個好奇怪嘅夢...
「壹仔,救我。」阿澄說
(待續)...