當問題少年遇上問題少女: 4.第一個認識嘅小妹妹

“啪啪啪啪”一班真光妹嘅指摘聲隨住佢地教練嘅招魂而完結
 
「好啦妳地!!唔好玩人地啦」
 
然後佢地好似好唔開心咁「噢~玩完lu~」
 
「兩位同學唔好意思，班女仔玩得過份左少少」
 
「呀…唔緊要…唔緊要」
 


「我係佢地主教練Miss Poon，兩位都係來年同我地組合雙打嘅同學?」
 
「呀….其實….我係幫佢手練波」我好尷尬咁講
 
Miss Poon望一望文浩「就係你會拍我地嘅同學?」
 
「呀…係呀教練」
 
「我同彭sir都知道，今次係校長堅決要組成聯校隊伍出賽，所以你應該明白，我地都唔會派最強嘅隊員出賽」
 


「我…我明白教練」
 
「但係唔代表你可以馬馬虎虎咁練習，記住，暑假同來年你地兩個會跟我地真光練習，唔好得過且過」
 
我地兩個立即好似軍人咁立正企好「明白!我/佢會認真練習」
 
然後文浩望一望我
 
「咩呀!我過黎幫你練波咋，咩呀!」
 


「我同你介紹下會同你地聯絡嘅同學，Chloe!過黎丫」
 
Chloe呢個名應該係d好靚，好高貴嘅女仔用，點知…
 
「我就係負責同你地班和尚聯絡，你地所有事，都係由我負責」講呢番說話嘅，就係剛先整估我地嘅小妹妹
 
文浩又再一次同佢有語言上嘅衝突「呀…小妹妹呀」
 
「咩小妹妹呀!我升F.5架啦!!!仲有!!我係你地其中一個嘅拍擋!!」
 
文浩一面不可相信嘅樣「妳呀?」
 
「咩呀!!我好失禮你呀!!!我著住旗袍同你比賽都得呀!!!」
 
佢地兩個差唔多要講手，而其他同學都冇打算阻止佢地兩個


 
「呀…教練，就係呢個妹妹同我拍檔呀?」交浩一手推住Chloe個頭
 
「你…你珍惜下我呢d美女好唔好呀!!!!」
 
教練俾呢Pair人搞到哭笑不得，佢地第一日已經為大家帶來好多笑聲
 
「唔係，你拍檔呢，佢今日唔得閒，我已經同佢講左，下兩星期大考之後，會開始練習」
 
「哦，明白」
 
我地同教練寒喧幾句之後，就坐埋一邊睇真光練習
 
佢地實力都唔差，每一個隊員都好有實力，正當我留心睇果陣，Chloe妹妹企左係我地面前
 


「咸濕佬!睇完未呀?未見過女仔呀!?」
 
「呀妹妹呀?妳唔洗練習咩?妳點拍我比賽呀?」
 
「你…你好想睇我著運動衫咩!!」Chloe佢面紅紅咁對住我地講
 
「我對妳呢個小妹妹冇興趣，我只係好奇點解我拍檔唔出現者」
 
「哦，佢呀?我都唔知呀，或者你地正式練習果陣可以傾下計嘅」
 
「佢係咁奇怪嘅咩?」我多口問一問
 
「如果你想知嘅，我可以講少少俾你地知嘅」
 
「咁妳講啦」


 
「陪我去飲野先啦，你地請」然後我地兩個就俾呢位小妹妹捉左去飲野
 
我地三個坐係附近一間普通冰室，Chloe佢要左杯紅豆冰，而文浩就飲佢嘅凍檸水，我呢?我飲我最愛嘅茶走