當問題少年遇上問題少女: 7.冷如冰、寒如雪

「好!!下個cycle開始練習反手」教練每一次都會叫大家猜波練習
 
終於再到Jessie，佢每一下猜波，都俾我覺得佢有真實力，佢每一下動作都係一氣呵成，完全冇任何多餘動作，而且每一球落點都好準
 
“啪啪啪”教練一貫拍手要大家集合
 
「好，而家開始各自練習，混雙果兩對組合，你地可以用一號場練波，大家夾多d」
 
於是我地4個行左去一號羽毛球場
 


文浩想同Jessie打聲招呼，畢竟大家都係拍檔
 
「妳好呀…」
 
正當文浩想介紹下自己果時，Jessie已經好快行開左，佢真係同傳聞一樣，冷如冰、寒如雪
 
今次係混雙組合組成以黎，第一次互相交流下，所以好多人都黎睇下呢對混雙組合嘅表現，亦有人想睇下我同文浩嘅實力，佢地1 on 1單挑
 
Jessie首先開波俾文浩，佢地兩個頭幾下係試探下對方嘅實力去到邊
 


係幾球普通猜波之中，已經睇得出Jessie實力遠遠係文浩之上
 
係呢對混雙組合交流賽之中，文浩首先發難，即係殺波
 
“啪!”一聲，個波直飛Jessie右手邊，文浩打出呢一球，務求要Jessie餘下時間都要係防守下進行球實
 
羽毛球直飛向地下，可惜個波嘅落點唔好，非常容易化解
 
不過Jessie佢就利用呢個機會去反攻文浩
 


Jessie輕輕踏出右腳將個人橫移，就係佢右腳落地一刻，右手同時揮拍
 
“嘭!!” Jessie打波嘅聲音就好似其他人殺波一樣咁響
 
個波以高速飛向球網，然後係網頂輕輕彈左一下，再跌落文浩嘅場區
 
就係呢一下，我就知道Jessie實力唔簡單，佢係專登瞄準網頂打過去
 
換為Jessie開波，佢就咁開左球普通嘅波出黎，文浩同佢都猜到幾下
 
但Jessie突然間一下殺球，係跳殺
 
球速好快，軌道好高，明看以為會出界之際…個波擦一聲，係外線最邊緣落地，係”in”
 
Jessie用左兩球，就話俾文浩知，同佢拍雙打，要以佢為中心


 
休息時間，文浩坐係我身邊，正當佢想開口之時
 
「我知你想講咩，你拍檔實力唔野少」
 
「佢遠遠將我拋離，你見我出哂汗就知，我完全俾佢帶住黎打」
 
「佢果球跳殺，真係好靚」
 
「你去唔去挑下佢?我覺得你可以打贏佢喎」
 
「唔啦，我黎係陪你練波，仲會唔會去挑佢機?」
 
「未必啦，一陣我拍佢，睇下同佢夾唔夾仲好」