當問題少年遇上問題少女: 8.性格孤僻嘅拍檔

休息過後，文浩同Jessie對上Chloe同另一位隊友Michelle
 
Chloe首先開波俾佢夫君文浩，哎呀~~真係甜L死囉，然後文浩回返個波過去
 
之後Michelle就開始進攻，係佢殺波果一刻，Jessie已經好快咁移位企到有利位置。當個波飛到之時，佢已經準備好輕輕迎接呢一球
 
而佢呢一下輕輕出手，打出黎嘅聲音就可以聽出佢同其他隊員嘅分別
 
佢，絕對唔係池中物
 


個波過返半場，Chloe唔知係有心定冇意，將個波回返去文浩到，等佢有機會殺波
 
不過Chloe用力過大，飛過左文浩所企嘅位置
 
正當文浩轉身時，Jessie塊拍已經到左
 
係場外，我睇得好清楚。Jessie佢回左波去對半場後，就立即企到中間，呢個係羽毛球，壁球、網球黎講係最最最基本嘅常識
 
不過學界有好多人只在乎跳殺呢一下得分動作，所以好少人會練基本功
 


好明顯Jessie基本功上係非常紮實
 
係呢場練習中，Jessie差唔多一個人拎哂所有分咁滯
 
完場後，佢好快就放低球拍，想離開球場
 
「呀…Jessie呀…」文浩想叫住佢
 
Jessie用一把冷漠聲音回應佢「我後你前，教練要求我黎練波我會到，有事就係球場講，私下我同你冇任何交情」
 


好快佢就飄走左，此時Chloe過黎文浩身邊
 
「慢慢你就會慣架啦，Jessie佢性格係好孤僻，未有人見佢笑過」
 
「佢總唔會連Group project都冇野同人講掛?」
 
「我同佢同班3年，佢真係一個人做哂份Project就算，我地只係free ride佢份功課」
 
「怪人」
 
不過呢名怪人，實力真係深不可測，佢係天才定係後天努力呢?真係冇人知
 
佟梓晴好快去到更衣室淋浴，用毛巾抹乾淨個身後就離開學校
 
佢去到去附近一座大廈其中一個單位，入屋後，有個小朋友歡迎佢


 
「晴晴姐姐」
 
「乖啦，我地開始補習啦好唔好?」
 
兩小時後，佢離開呢個單位，又再去另一座大廈，再次重覆所做嘅事
 
今日係星期六，所以做補習嘅節數比平日多一節
 
完成第二個學生之後，佢係附近買左個飯盒同一碟菜外賣
 
佢行到橫街，係一幢好舊嘅常樓慢慢行上去….去到頂樓再推門出天台，經過少許雜物後，再行到一間鐵皮屋前，拎出鎖匙，打開閘及木門，返到佢自己屋企
 
放低衣服後，佢拎住餸菜，放係張小檯上。佢打開檯上嘅光管，開著部手提電腦，邊上網睇羽毛球比賽邊食飯
 


食完飯後，佢換上體育服，係碌架床上層拎出一塊學校的公家球拍以及一堆羽毛球，走到屋企同樓梯間嘅空地，係一個用膠紙痴成嘅羽毛球場上，自己不斷練習發球以及揮拍
 
呢個動作，佢每日係溫習過後，都會用90分鐘左右去練習
 
「拍我果個能力一般，反而另外一個，實力應該同我差唔多，或者仲高過我。如果可以同佢拍，可能會更好。如果可以同佢單獨打一場，我就可以摸清佢實力」