當問題少年遇上問題少女: 10.獨取15分的天才少女

今日練習內容，仍然係基本功，但係教練仲安排左另一樣野俾我同文浩練習
 
就係拉筋
 
「呀……….」「呀……….」
 
我地兩個各自俾幾個女仔用力推個背脊，另加佢地用雙腳頂住我地雙腳，盡量幫我地整一字馬(打橫果隻)
 
「唔好望我地下邊呀!!!咸濕仔!!!!」
 




「我冇望呀!!我邊得閒望呀!!!」
 
「低d啦!!!」我身邊嘅女仔係到俾指示我
 
「冇啦!!!最低啦」
 
「咁廢架你!!!好腰好腎好男人呀!!!!!俾d腰力啦!!!」
 
我連肌肉都未拉鬆拉長，就已經俾呢班女色魔不停虐待
 




文浩果邊，佢已經口吐白泡，佢下一個環節好似要俾人由三樓扔落街
 
「呀……幾位女俠呀，點解妳地唔去糟質妳d同學，而係黎咁樣對我呢?」
 
「有我地幾個服侍你，你執到啦。講!!平時有冇用望遠鏡裝我地上堂!?」
 
「冇呀!!」
 
「即係我地唔靚女啦!!!!姊妹!!!再推低d!!!!」
 




然後傳出我嘅慘叫
 
係我慘叫之時，我先發現Jessie佢自己係到練習發球，佢每一球落點都係一樣，因為佢技術好好，令我不其然咁望實佢
 
「喂…喂!!!咸濕仔」真係幾個幫我拉筋嘅女仔叫我時先識俾反應
 
「下….係」
 
「做咩呆哂咁望住Jessie呀?你對佢起痰呀?」
 
「唔…唔係呀」
 
「原來你係個腿控，仲係鍾意d奇怪嘅野」
 
「噫…原來你有D咁嘅癖好架…」




 
「唔係啦，點會鍾意呢D怪人」
 
「真係?咁點解你呆左咁望住人呀」佢地用不懷好意嘅眼光望過黎
 
「我望佢對腳咩?我望佢發球個姿勢呀，佢發球個落點好靚，唔信妳地自己一齊睇」
 
我地咁多隻眼一齊望過去
 
「咁Jessie又真係天才球員黎嘅」
 
「但係脾氣好怪呢」
 
「係囉，佢真係冇咩同人傾過計」呢位同學用力一推
 




「啪肋!」我條腰呀!!!!
 
後邊位同學仍然不停將我推前
 
「喂喂喂!!!!Michelle!!!!佢死啦!!!!」
 
「呀!!!!Sorry呀!!!!!!!」
 
我差唔多大字馬咁趴左係地下上邊
 
「有冇人可憐下我呀….」
 
「冇呀!走啦，去練波啦!!」
 
於是，就剩低我一個人大字馬咁趴係地下到，真係好痛




 
呢一班，係一班好粗暴嘅女仔，可能係一班冇J嘅男仔
 
我同文浩一齊等Jessie埋位練波，今次係雙打啦
 
但係我仍然係場外到睇
 
剛先俾佢地咁樣SM法，我仲點打到波
 
終於可以再睇到Jessie同文浩拍成點，但係依我估計，文浩都係會俾Jessie帶住黎打
 
真光女雙組合，美女Michelle同埋Jeanie首先發球俾文浩
 
而文浩都好禮讓咁回返個波過對面，然後佢地四個各猜左幾板之後…
 




Jeanie忽然黎一個跳殺，個波直飛去文浩果邊
 
「Jeanie同Michelle係我地首席雙打，文浩未必夠佢地打」Chloe係我身邊講
 
果然冇講錯，文浩俾兩個女仔追住黎打。有幾次Jessie想救佢都救唔到，所以佢索性唔再救佢，自己一個人集中精神比賽
 
唔洗10分鐘，呢對新組合就俾女雙組合打低左，但係比分上唔係輸好多
 
只係17-21，Jessie自己獨取15分