當問題少年遇上問題少女: 11.美女隊長的出現

第一節比賽完，大家坐低休息。真光嘅女雙組合默契好好，互相走位配合得唔錯，但係Jessie自己一個人係佢地身上拎到15分，佢真係好恐怖
 
「Jessie自己獨取15分?」係我身後出現左一把聲音
 
「Polly」
 
Polly對我笑一笑介紹自己，佢係真光女書院羽毛球隊隊長，佢主要負責單打
 
「Jessie佢真係一個人拎左15分」
 




「嗯…我估到丫…我識佢咁多年，佢嘅實力我到而家都唔知道」
 
「Polly妳好似識佢…6年?」
 
「係呀，我同佢係同一小學」
 
「佢細個就已經咁孤僻?」
 
「嗯，不過佢打羽毛球真係好叻」
 




聽到隊長咁講，我就更加想同Jessie打返場睇下
 
「你地仲唔出去準備第二節?」Polly微笑咁對我講
 
「下!?我地?Polly妳講真?」Chloe唔相信Polly所講嘅野
 
「係呀，出去活動下囉，快d啦」
 
我同Chloe兩個企係場上，而場邊Polly就望實我地，而Jessie佢自己就坐得好遠，不過佢都望實我地兩個
 




「喂，我地成班隊員都想睇你表演喎」
 
「妳夫君先係落場果個，我呢，就係伴讀書童」
 
「可能打完呢一節，你就升級呢」
 
「可能降級呢」
 
我拎住文浩塊拍同Chloe一齊行到去球場上
 
剛先俾班女仔拉完筋，個身鬆左好多
 
Chloe交個波俾我「係時間俾人睇下你嘅實力啦」
 
「獻醜啦」




 
首先我發球，第一球係一球高遠球
 
“啪”我將個波送左去對面場區，Jeanie好快咁猜左個波俾Chloe
 
初時，大家都好似好輕鬆咁猜波，應該係第5球開始，女雙組合開始發力
 
Michelle係後場黎一個殺波，球速一般，不過直飛Chloe
 
「縮開!!!」Chloe聽到我咁講就讓位俾我回返個波
 
個波回返過去之後，Jeanie好快就補位將個波回返過黎
 
同時間，我都企返好自己位猜返個波過去
 




女雙實力果然唔差，佢地接連殺左幾球波，好快拎左幾分
 
於是我同Chloe講左少少戰術
 
「你進攻?」
 
「妳同文浩唔係一直好想睇下我進攻咩?」
 
「但係…」
 
「玩波者」
 
Chloe依我所講，開波俾Michelle，之後佢地好快就殺波，正合我意
 
個波直飛底線，我將右腳一踏，右手一揮




 
拍直接擊中羽毛球，個波以高速向網頂飛過去
 
然後掂網頂，再跌落對方場區
 
Jeanie同Michelle望一望地下個波再望一望我
 
好啦，兩位姐姐仔，唔可以再俾妳地魚肉架啦
 
輪到我發球，將個波互送左幾次之後，一個高波送到我頭頂
 
要跳殺嘛?暫時唔洗嘅，所以我企定定，將個波殺過對面場區
 
“啪!!”呢下聲真係好大，球速好快，個波係兩個人之間快速落地
 




場邊嘅Jessie都行近d睇我地呢對組合
 
Chloe再發球，Michelle今次好快就殺波
 
Chloe不甘示弱，成功擋到呢一球
 
對方將個波再打返過黎，好啦，再一次
 
“啪!”我再一次殺波，今次個波唔係向兩個人之間穿過去
 
今次我殺嘅波係佢地頭邊飛過去，係底線出界前落地
 
佢地兩個再一次用驚訝眼神望住我，好似唔太相信咁樣
 
Michelle同Jeanie再一次向我發起猛攻
 
又一球高波打過黎，睇黎佢地兩個俾我打亂左陣腳
 
於是我今次跳高，黎一個跳殺
 
今次球速非常快，又係”擦”一聲，輕輕係出界前落地
 
佢地呢對女雙組合，就咁樣俾我呢幾球嚇左一嚇而打亂陣腳
 
係剩低果幾分，佢地完全俾我同Chloe壓住黎打
 
完場時，比數係21-7