地下鐵的約會: 4.2 葵芳

4.2 葵芳
上車後，我倆坐在一起，氣氛異常的尷尬。
「呃...咁都見到妳真係緣份啊...哈哈哈」他說
「係啊，真係咁橋你都坐呢架車」我只好微笑應對，畢竟面對心儀的對象緊張是正常不過的事
「我同同學去旺角食飯咋嘛」他說
「我都係喎，嘿嘿」我笑了，真的很巧合
「你都住...麗城？」她大膽地問
「係啊，你都係？」我最期待的答案會出現嗎
「坐得呢條線都應該住麗城啦」她說
「你啱你啱」我隨意回答，因為我差點就禁不住心底的興奮



原來他和我住在同一個社區！

氣氛突然尷尬了不少，只剩下煩厭的報站及車廂的噪音。

「啊，上次攞左你枝筆，宜家俾返你」他取出鉛筆遞給我
「唔該晒，估唔到你記得」真的很意外他記得呢

他肯定是個細心的人。




「呃...點解朝早坐小巴唔見你嘅」他主動問
「我坐34M㗎，07:05嗰班」我說。一直我都不肯坐小巴，擺脫不了它嘈雜的形象

「唔...咁咪好早，上次我見到你都07:25，你係地鐵站等左陣？」他不解地問
「嗰日咁啱我要增值先慢左，正常07:20我都上左地鐵㗎喇」我說

如果每天都要增值豈不是天天都可以見到他？

「哦...」他若有所思地說



「下一站 灣景花園總站」

「係呢，你電...電話係乜，不如交換個IG？」他終於主動了
「好啊」我遞給他讓他看我的IG帳號
「你叫咩名？我叫浩然」他說了

他的名字，很普通，卻很深刻。

「噗哧，你個名咁九十年代嘅。我叫玥婷啊，多多指教」我忍不住笑了

他戰戰兢兢地伸出手時，卻被打斷了

「到站就落車啦，阻住晒」



幹，這礙事的巴士佬。

待續.
——————————
每天幾分鐘 共你心聲心聲已互通
4個站，我和你心房的距離