地下鐵的約會: 5.1 荔景

5.1 荔景
第二天，我提早了出門口，為的就是要和玥婷坐上同一班車。可是，現實往往很殘酷，我賴床了。

「06:50？玩完了」我睡眼惺忪地看著掛在牆上的時鐘，顧不了什麼早餐，換好校服已九秒九速度跑往車站。可是巴士早已開走。
「唉～，有緣無份，真係自作多情了」我嘆氣，垂頭喪氣地走往小巴站

等車時，一把熟悉的聲音呼喚著我。
「點解啱啱起身就無晒精神㗎」

「玥婷？」我抬起頭看到了穿著校服的她，格外動人


「hi～早晨啊」她笑著說
「你唔係坐巴士㗎咩，點解你會等小巴㗎」我氣喘喘地說
「喔，你唔係坐小巴㗎咩，我咪你等你咯，上車先」她登車時卻不慎摔了一跤
「小心！」我顧不了形象大叫了一聲
「唔...唔該」她臉紅了

上車後，我們毫不避嫌坐在一起。

「點解你無啦啦坐小巴嘅」我問
「咁你坐小巴嘛，我咪試吓咯」玥婷害羞地說


「實不相瞞，頭先我喘晒氣係因為我以為你坐34M所以狗衝落樓，點知部車開左」

原來，著緊一個人真的會改變自己。

她戴上了耳機，卻遞給我一邊。
「一齊聽啦，快樂雙倍」她笑著說

我猶豫了，卻還是接過了
「嗯！」



耳筒播著YOASOBI的歌，我的最愛之一，我卻無暇細聽，因有某人坐在我身旁。
「你都聽YOASOBI咩？」我問
「係啊，哈哈。緊貼潮流嘛」她說

「到地鐵站喇」我說

我並沒有除下耳筒，所以需要平排行走。

「不如我除左個耳筒啦，好似方便啲」我尷尬地說
「呃...好啊」玥婷尷尬地戴回了我戴過的耳筒
「咪住，抹抹先」疫情期間，衛生要緊嘛
「唔該晒」她說

「請勿靠近車門～」



「快啲啦快啲啦，走車喇」玥婷一馬當先牽著我的手快步走著，我和她在最後一秒衝進了車廂。

「呼～」玥婷長呼一口氣，臉頰緋紅得很，格外動人

「黎啦，繼續聽吖」玥婷再次遞給我耳筒

//地下鐵碰著她 好比心中女神進入夢
地下鐵再遇她 沉默對望車廂中

地下鐵邂逅她 車廂中的暢談最受用
地下鐵裡面每日相見 愉快心裡送//

「地下鐵的...約會？」我說，猜不到玥婷會聽這首歌
「係啊，你竟然知」她驚喜地說
「啊哈哈，都有聽㗎」我搔搔頭說


「呢首好好聽，詞又寫得好」玥婷讚嘆著

歌詞正好唱到我最愛的一段。

//每天幾分鐘 共你心聲已互通
旅程何美麗 如在愛情小說中//

「真係寫得好好...」我不禁說

「浩然？浩然？落車喇」玥婷的一句話把我拉回現實
「啊，sorry，頭先諗緊嘢」我連忙走出車廂
「諗緊咩咁入神啊」玥婷暗笑
「妳」我衝口而出，把心底話表露無違
「噗嗤，咁直接K3小妹妹都溝唔到啦」她大笑，生怕全車人不知道我的魯莽出言
「你信唔信我有一日溝到妳吖」我鼓起勇氣壁咚了她



這不是偶像劇，這是地鐵車廂。

「咁就要睇你有幾多誠意同耐性喇」玥婷說

隔著口罩仍能看到她樂滋滋地笑了
我，距離成功又近了嗎？

「下一站，南昌」

為什麼快樂的時間總是那麼短...
「落車喇，bye」我依依不捨地說

待續.
———————————


究竟女神在想什麼？
3個站，我和妳心房的距離