地下鐵的約會: 番外：如三分球般投進你懷裡 (1)

Ben作為浩然的兄弟，自然會染上單身狗的毛病。由於多年來都是男校的關係，他根本沒有女性朋友，也遑論脫單出pool了。
「喂，見你咁dry，介紹個女仔俾你啦」浩然說
「咪搞我，我搞唔掂啲女仔」Ben耍手擰頭
「你睇左幅相先啦」
「咪又係嗰啲樣，睇毛…」

「哇…咁靚嘅個背影」Ben驚嘆
「完全係你理想型啦，又唔係太高又識駁嘴，仲要笑得咁甜」
「你吹大啲啦，都無正面」
「佢係玥婷嘅同學，我地介紹吓應該可以的」


「邊個話要介紹？」
「放心啦，唔會害你」
「我點識到佢啊…」 Ben尚存一絲質疑
「得啦，唔使擔心」浩然說

結果當晚Ben就收到一條陌生訊息。
「你就係Ben？」
「係啊，你係Jenny？」
「Account名咁大個Jenn_.chl唔係叫Jenny唔通叫Betty？」



Ben的第一反應：呢條女咁串嘅？
「SorrySorry，無留意」Ben選擇留下一個良好的形象因此沒有回敬Jenny
「唔使扮君子喇，你應該都係直腸直肚嘅人」
「乜妳咁串嘅，同你好熟咩？」
「你同我好熟咩？」
「咁你又主動問？」

一點無養分的對話無疾而終。

「大佬，條女真係搞唔掂，串串貢咁」一天晚上Ben和浩然講電話


「你咁串都搞唔掂？咁你就唔好諗出pool啦，你無機會㗎啦」
「咁…咁又唔好」
Ben面對此事仍然猶豫不決。
「俾個機會你，就黎聖誕，約佢出黎倒數啦」
「一男一女…咁癲？」
「係唔係諗多左啊？我地都會去㗎！」玥婷插嘴說
「你地咁夜都一齊…去邊玩先」Ben意淫地說
「我地去大帽山睇日出咋嘛，諗乜啊」玥婷立即澄清
「得啦得啦，唔阻你地」

Ben暗自嘆了一口氣，這是單身的哀歌。

「悶，傾電話？」電話推送出一則來自@Jenny_.chl的信息

Ben第一次面對異性的主動，忽然作不了主。他打算找浩然求救，那通電話卻不請自來。



「喂？」對方是一把爽朗的女聲
「喂…」Ben的聲音顯得很沙
「使唔使咁驚啊？放心喎我真人同相係一樣㗎」那把女聲熱情地說
「呃…你就係Jenny？」
「唔係點會有人咁夜打俾你啊？」
「有啲緊張，唔好意思」

而事實上，主動答話的Jenny甚至比Ben更緊張。

主動打電話給Ben是玥婷和浩然這對月老出的建議，因為以Ben的性格到最後只會拖延到不知何時。Jenny為了和Ben講電話甚至在紙上擬定好了主題、用詞甚至語氣。

「聽講你有打籃球喎～」Jenny試探地問，因為根據浩然提供的資料Ben的確有打籃球
「有啊，打得麻麻地咁啦」Ben害羞地回答
「我都幾鍾意打籃球嘅男仔」



這句主動的意味讓Ben增添了不少信心，也增添不少壓力。
其實Ben究竟咩樣搞到Jenny咁大行動？

Ben的確是一等一的運動健將。運動會包攬獎項，又是籃球隊主力，樣貌亦不差，自然成為新一個Jenny幻想的肌肉男。但當其他師兄弟有女朋友遞水打氣的時候，Ben就只有浩然的「刻薄打氣」。

「打籃球幾好啊！我最鍾意打街場，有唔同人幫我打氣！」Ben直接地對著陌生女孩說出內心想法，懊惱不已
「咁…你打開邊個街場？」Jenny獲得寶貴資訊驚喜不已，立刻打狗隨棍上
「我邊度都打㗎喎，但多數打長沙灣遊樂場」
「長沙灣遊樂場…」Jenny連忙記下

那晚，Ben和Jenny如好友般聊天，讓Ben首次有了女性朋友。
Ben了解到Jenny是個直率的女生，但同時愛一些小浪漫，而且是個瘋癲的人。
Jenny了解到Ben是個害羞的男生，愛打籃球和看書，難得一見的運動型中帶文質彬彬。



Jenny對Ben的興趣大大提高，而Ben也對這個直腸直肚的女生產生了好感。

談完電話已經是深夜，可是倆人依舊意猶未盡，畢竟兩個單身已久的人擦出火花來就自然更加猛烈。

他們約定了下星期再談過。
然而，在月老暗中的協助下，他們終於見到了對方的真人…..