屍殺某街50號: 屍殺某街50號 (十七) #落黎先
有日光，即係唔經唔覺玩到天光，呢樣唔奇。
奇就奇在後面追上黎個男人...
「求...求下你哋，唔好再上，我唔追，你落黎，先講」一把沙到爆嘅聲響起，就咁聽，佢應該好耐無講過嘢。
雖然佢講句嘢都柒下柒下，但唔知點解我有啲信佢，我覺得如果我再上去，某啲事情好可能會一發不可收拾，邊個都幫我哋唔到嗰隻。
事實上，開頭個肥男人又真係無置我哋於死地嘅意思，佢當時係有叫我地快啲走。
當然啦，另一個可能性就係佢哋跟本就怕光，見光死嗰隻。
如果係咁，我只要再上多一層，就係安全範圍，算係逃出半個生天，諗到呢度，佢又真係好似好有理由講大話呃我。
信邊樣，無時間再諗，一定要而家決定。
係喎 ! 似喇似喇，我突然醒起，頭先臨到地下，後面個男人都係摸黑上黎嫁，咁仲唔係怕光 ?
頂呀，差啲比你呃到，睇唔出你唔聲唔聲，為人咁有心計嘅。
我即刻加速衝上去光位，一時之間適應唔切啲強光，當堂暈一暈...
續 (十八)