屍殺某街50號: 屍殺某街50號 (十八) #天台
「合埋雙眼等一陣先，如果唔係會好傷。」
咁嘅情況，我即刻提醒女神。
頂你，難得重返光明，到頭黎都係要合埋眼。
不過好彩，我嘅猜測無錯，後面個男人真係好似無再追黎。
心情放鬆返，呼吸暢順小小返，然後我又聞到令我一生難忘嘅超臭爛魚血腥味 ...
呢個世界，除咗全黑環境會令人產生恐懼之外，原來光明都一樣，我哋恐懼嘅，跟本係未知嘅危險，我終於明白以前打機 用嗰啲閃光彈有咩用。
當我一意識都爛魚血腥味嘅一刻，我不顧一切打返開雙眼，似然好光，好辛苦，一樣睇唔清啲嘢。
由於呢度我哋從來未上過黎，又唔可以好似下面咁，憑記憶喺腦入便畫返張地圖。
我唔知行多一步會點，分分鐘前面就係天台邊緣。
我唯一可以做嘅，就只係將揹住嘅女神再逗緊啲。
我哋就咁企喺度，爛魚血腥味就一路持續咁耐，好可怕，嗰種可怕就好似行刑一樣，背住個槍手，但永遠唔知佢幾時開槍。
不過好彩，視力總會慢慢適應，捱過左任人處置嘅真空時期，就輪到我哋睇得返嘢喇。
但睇到嘢嗰一刻，我依然係企咗係度無郁過，因為我呆咗...
老實講，眼前出現嘅事物，係比幾多次機會你，都無咩可能估得中嘅嘢。
喺我前面，喺一個好大嘅保險庫鋼門。
如果要形容隻鋼門，又唔話好難，因為佢外形正正就係平時睇 Mission impossible 嗰種，用喺銀行嘅圓形鋼門，出面再加多個圓形鋼圈嗰隻。
成件事同呢間廢廠真係好唔 Match，而最最最唔Match嘅就係，保險庫鋼門旁邊，喺一間簡陋嘅小木屋。
=17.6px 續(十九)