屍殺某街50號: 屍殺某街50號 (二十一)
女神好激動，係咁掙扎，不過無用。
我保護唔到佢，睇住佢暈埋。
肥男人喺呢個時候走埋出黎，豆皮男人望住佢，再指一指我。
「唔好理佢!」肥男人輕描淡寫咁講完，揹起女神就轉身就走。
而家就得返個豆皮男望住我，好似望緊動物園嘅小動物一樣咁。
佢轉一轉身，又好似諗咗陣嘢...
之後就指一指我後面嘅保險庫鋼門
「老闆...吩咐過...日落之後...一定要...佢地...放風，等陣我...樓下...噤制，你去..木屋。」講完佢就轉身消失喺黑暗之中。
喂，我唔明，空白一片，我只係個普通人喎，一個毒男喎。
我坐地下呆咗好耐，我想嘗試諗辦法出去救女神，但咩都諗唔到。
我喺鐵絲網睇住個太陽開始變夕陽，就快又天黑喇。
女神而家都唔知點，班變態佬唔知會唔會搞佢。
諗到哩度，我起返身，行過去木屋。
度門無鎖，原本想話先開條少少裝下，不過諗返4樓件事，我就轉為一腳踢開度門。
靠住夕陽的照射，我又見到Jason條 Hi Hi，不過今次佢訓咗喺張鐵床上面，唔知暈咗定死咗。
突然間諗到啲嘢，我即刻衝埋去搜佢身，要有電，一定要有電呀 !! 唔該 !!
我就係想搵返女神部iPhone，記得最後一次同Jason分開，係佢負責攞電話探路，如果佢之後熄咗電話又或者計住計住咁用，咁而家就有可能開到機報警。
搵到 !! 開機，無反應...
續 (二十二)