屍殺某街50號: 屍殺某街50號 (二十二) 秘密

我再望一望訓咗喺鐵床上面Jason。

之後好似拍戲咁，試下搵隻手指隊埋去，想話Feel下佢重有冇氣，好彩條Hi Hi未死得。

我坐返落地下，好灰，嗰一刻連自己嘅求生意志都好似無埋。

成件事跟本一早就可以解決，想當初打個電話報警有幾難，而家就想打都無得打，諗到呢度即刻無名火起。

我行返出木屋門口，一嘢就將部無電嘅iPhone掉 L 走。





呢頭掉完，嗰頭聽到鋼門有啲電流聲響起，緊隨而黎嘅又係已經熟悉嘅一堆血腥味，出奇地，我今次好

冷靜咁行埋去刪返木屋度門，再搵啲殘舊傢私頂住先。


無咗女神，我好似少咗啲顧慮，大不了同Jason條 Hi Hi一齊 Hi Hi。

估計而家出面天都黑齊，我最後就咁坐喺門邊，一黎頂住啲傢私，二黎聽下出面有咩動靜，出面除左血腥味，亦包括以前聽過嘅惡狗聲，聽

得出真係好多隻，而家木屋一定周圍都係，而間唔中亦會噼噼啪啪咁，傳黎一兩嘢電流嘅爆炸聲。





嗰時心諗，搞到咁真係大工程，咪住，我記返起喇。

頭先豆皮男講過話會喺樓下噤制，又話咩老闆吩咐天黑一定放嘢出黎，咁家下不明物嘅出現，終於都同肥男人佢地產生個一個關聯。

諗到 ! 諗到 !一里通就百里明，我估計肥男人同豆皮男都係哩座嘢嘅看更之類，但佢哋要管理嘅，就係咁鋼門入面嘅秘密不明物。

喺香港地，能夠有哩個財力搞啲咁嘅嘢，會有幾多個人，又有幾多個勢力，痴 L 線，無辜辜比我知道呢啲嘢。

諗到呢度，我覺得已經超出左我哋呢3個普通人，應該知道嘅嘢太多，講真，就算而家比你行得返去，都唔知有無手尾跟。

續(二十三)