《我老婆唔係我女朋友》【那些年／日常／校園】 第一至三章: 【第一章】 是好感，還是好奇？（１）
是好感，還是好奇？
有人話住宿舍溝女好容易，不過就憑我這種肥矮毒？無謂嚇死人啦，所以我唔會對住hall存有任何幻想，一心一意做走讀生，有時返放學坐車時左𥄫右𥄫，反而是一種樂趣，好像昨天化身痴漢，隔遠做吓「窺佬」，自high一番，人畜無害都幾好吖。
今天無特別活動，乖乖的坐到落堂，先到車頭找阿May傳話，阿May是個爽快、不拘小節的女生，屬於虎背熊腰型，中氣十足、步大力雄嗰種，請大家自行想像她的樣貌好了。
「哦，知唔知佢邊間房呀？」阿May問我。
「知呀，B4-02，我都要去搵佢，一齊行吖？」我不假思索順口答道。
「噢，我未行得喎，要傾下星期單嘢，我一陣自己去啦。」阿May婉拒了我無知的邀請，唔知是有心唔想同肥矮毒一齊行，還是真係有「下星期單嘢」要傾（講到我好似知佢哋單嘢噉），不過無所謂啦，這種情況都習以為常了。我跟她說聲OK，自顧自的行向門口，臨走前想約Leon在那裡集合，等吓一齊去巡視業務，誰知他突然要去開會，所以今天的餘興要取消了（都話佢上咗莊，邊有可能咁得閒呢）。
好，今天又是自己一個放學。
去到B4-02，找到無眼鏡鄭T瑞，交待了有關阿May事宜，問起今朝講到話下堂的備課時，馬飛說：「唔好問我啦，我周身唔得閒，不如你直接問阿心啦。」接著高聲的叫了出去：「心呀，搵你呀。」又用手指指著我。