分手後，遇上你: 遇上你

「丫諾，覺唔覺我好白痴，竟然相信呢個世界有真愛！」我好無奈地係到大叫。
「丫k，女死女還在，下個更可愛，係到飲酒煲煙大叫大喊有咩用丫，不如快啲忘記佢，揾果個仲好啦。」丫諾好無奈咁答我。
無錯，又失戀，原因係咩？鬼知咩，當你以為係呢個女仔嫁啦，一定係同你過下半世既伴侶既時候，佢會無啦啦唔知因為咩原因而同你講分手，再唔係就話不如大家冷靜下，過一排再聯絡，結果當然係冇再聯絡啦，唔係因為我識左第二個，而係因為對方好快咁比第二個人追左。今次分手，就因為對方一句「就當我對你唔住啦，唔好再煩我。」個時我心諗，小x叭，姐係點，一句話對我唔住就想飛左我，你當我係咩？公仔？話要就要，話唔要就唔要，我當然係唔服氣，結果煩左佢一星期我先死心。
分手後第八日，當時既我，心情慢慢回復起黎，但依然每日過住煙酒不離口既生活，呢日，我係np某間酒吧到，岩岩同丫諾飲完酒，準備埋單走既時候，酒吧內某個角落，傳出一陣陣既爭吵聲，原來係兩個男為左一個女而大打出手，我好好奇，到底係咩女仔咁大魅力，竟然會令到兩個男人願意為佢大打出手，我慢慢地望向果個女仔，一剎那，個心突然間跳得好快。