原因無他,因為個女仔平凡得黎,卻帶有小小仙女下凡既感覺,係我認識既女仔之中,一係就好樣衰,一係就好平凡,一係就好靚,但呢個女仔竟然可以比到我咁既感覺,實在太奇妙了。可能個女仔注意到有人望住佢,佢慢慢咁望過黎,個一剎那,成個世界好似得番我同佢咁。
佢對我微笑,之後點一點頭就繼續勸果兩個為佢大打出手既男仔,我望向個兩個男仔,mk得黎,帶有啲啲小朋友既感覺。突然其中一個男仔,隨手拎起一個玻璃杯,就一野車左出去,而個女仔企就係佢地兩個既中間,我心諗「仆街,車中左點算丫!」好在個女仔閃得快,避得快,先冇中招,但另一個男就唔好彩,玻璃杯衝向佢既額頭,令佢額頭開左個花出黎,紅色既血,慢慢係佢額頭流出黎,同時佢帶住怒火衝過去,個女仔拉住佢,點知比佢一句「死開啦八婆,阻住曬。」之後一手就推開左,個女仔受唔住個衝擊,正當佢準備失去平均,要跌落地既時候,唔知係唔係因為佢吸引到我,定係因為保護欲作怪,我竟然不由自主咁行去扶住佢,當我觸碰到佢隻手,全身就似觸電咁,企定定,唔敢郁。當佢企番穩既時候,佢回頭同我講聲多謝,之後就離開左我既懷抱,同時令我感到幾失望,就好似你細個問人借部遊戲機玩,點知果個人要番屋企,連同遊戲機一齊帶走,當部機離開你隻手,你都會感覺到失望咁。