「你識我咁耐,你應該明白,有乜我係唔夠膽既?冇丫哇,所以我點會唔夠膽,我同你講,你我根本就連開始都唔應該開始,連計都唔應該傾,咁我地就唔會熟,就唔會一齊。」我依然好cool咁講野,但Jessica就係咁震,而且眼淚不停咁流,我好想為佢抹眼淚,好想吻走佢面上既淚珠,但我只可以狠心咁比佢慢慢喊,為左令佢死心,我決定踏多幾腳,「你知唔知我最憎女仔喊,你知唔知道你一喊,搞到我個人幾燥,而且有時你係街到喊,街上啲人係咁望住我,比我感覺好醜丫!」
「我應承你我改啦,我唔再喊啦,你唔好離開我啦好冇丫,我唔想冇左你丫,嗚………」Jessica一講完就喊到收唔到聲,其實聽完我真係有一刻心軟,但我只能繼續狠心落去,一切都只係為佢好,「唔洗改,你只要揾個比我更好既就得,好啦,唔再講,我走先,我一陣就會去搞退學既事,你以後都唔會見到我呢個……人渣,再見。」講完我就轉身走左,眼淚都因此咁而不斷咁流,我唔會希望你原諒我既無情,但希望你日後會帶眼識人,因為我驚你會比人呃,從此我會默默做你既守護天使,守護你日後既幸福。我冇走遠到,只係企左係一個Jessica見唔到我既地方,默默咁睇住Jessica喊。