分手後，遇上你: 期限為黎近呢次考試

「如果黎緊既呢次考試，你既平均分係唔合格，要修業既話，你唔洗指意我會再理你，會再同你有任何關係，呢段期間，你可以係whatsapp揾我傾計，但唔准約我出去，o唔ok？」Jessica最終都肯比個機會我，最少我仲有機會同番佢一齊，自己推走佢，就要靠自己拉佢番黎。
「ok，但你呢段時間都唔可以同佢有聯絡，你做唔做得到？」咁昜比佢食住咩我，點都提出啲意見啦，唔知點解，Jessica聽完竟然奸笑，笑住咁講，「冇問題丫，就咁話啦。」聽完呢個答覆，我就跑番去開始我既温書大計，但如果我肯留多陣，我應該會更加了解點解Jessica會同個肥仔一齊。「Jessica，你真係唔上黎食我煮既野丫？好好味嫁啵！」，「唔啦表哥，你都睇到佢幾緊張啦，點知會唔會揾個位偷睇緊我地，如果比佢見到我呢頭答應佢，轉頭又跟你上去，佢實唔開心死啦，所以都係咪啦。」「好啦好啦，唔逼你啦，自己番去小心啲啦。」肥仔講完就入左去大厦，Jessica轉身走，準備過馬路既時候，比人從後拍左一拍，佢用一種不出佢所料黎語氣問果個人「放心曬吓哇？我冇跟佢上去，你開心啦？」「冇話開唔開心既，只係放心曬姐。」原本我真係跑走左，不過跑到一半，就醒起，如果Jessica跟佢上去咪仆街，所以我跑番去，揾個位偷睇佢地，番到去見佢地咁岩傾完，而且Jessica由一個人走左，由於擔心佢人生安全，所以決定送佢番去。